УИХ дахь АН-ын бүлэг мэдээлэл хийлээ. УИХ дахь АН-ын бүлгийн дарга Д.Ганбат мэдээлэлдээ:
-Ерөнхийлөгч Авлигатай тэмцэх хуульд хориг тавьсан. АН-ын бүлэг энэ хоригийг дэмжиж байгаа. Ерөнхийлөгч нэгдүгээр сарын 8-нд "Өрх бүрт сая төгрөг олгох" тогтоол өргөн барьсан. Төр засаг аж ахуйн нэгжээ дэмжих арга хэмжээ авахгүй байна.
Монгол Улсын шинэ Ерөнхий сайдаар Л.Оюун-Эрдэнэ гэдэг хүн томилогдох нь. МАН-аас санал болгож байгаа Л.Оюун-Эрдэнийг дэмжих боломжгүй. У.Хүрэлсүхийн Засгийн газар бүрэлдэхүүнээрээ огцорсон. Энэ хүн ЗГХЭГ-ын даргаар ажиллаж байсан. 100 жилийн түүхтэй МАН боловсон хүчингүй болсон уу. Монгол Улсын Засгийн газар бол хариуцлагатай байх ёстой гэлээ. Тэрбээр мэдээлэл хийснийхээ дараа сэтгүүлчдийн асуултад хариулав.
-Оффшороос хэдий хэмжээний мөнгө орж ирсэн бэ?
-Оффшороос ямар мөнгө орж ирж байгаа талаар нууцын зэрэглэлтэй албан бичиг өргөн барьсан гэсэн. Энэ материалтай танилцах талаар АН УИХ-ын даргад мэдэгдэнэ.
Н.Нягт