Ө.Шижир: Эрх баригч нам шүүхийг эрхэндээ автуулах зорилго нь хуулиар баталгаажиж байна
2021-01-26

 

 

Ерөнхийлөгч Х.Баттулга Авлигатай тэмцэх тухай хуульд өөрчлөлт оруулах тухай хууль, Шүүхийн тухай хууль болон Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуульд хэсэгчилсэн хориг тавиад байгаа. Үүнтэй холбогдуулан ЕТГ-ын дарга Ө.Шижир:

 

-Авлигын эсрэг хуулийг хэлэлцэж байхдаа АТГ-ын даргыг УИХ-аас томилдог байх санал гарсан ч УИХ ялсан намын гишүүдээс бүрддэг тул нэг намын хараат байдлыг үүсгэх магадлалтай. Иймд саналыг Ерөнхийлөгч оруулж, УИХ-аас томилдог байя хэмээн хуулийг баталсан. Гэвч саяхан УИХ-аас ЕТГ-т ёсчлон ирүүлсэн хуулийн төсөлд Ерөнхий сайд АТГ-ын даргыг шууд томилдог байхаар тусгасан байгаа нь тухайн үед ярьж байсан бодлого, үнэт зүйлээсээ ухарсан үйлдэл гэж үзэж байна. Мөн Шүүхийн тухай хуулийн төслөөр дамжуулан эрх баригч нам хэт олонхоороо түрэмгийлэн шүүхийг эрх нөлөөндөө автуулах зорилго нь энэ хуулиар баталгаажиж байна гэж үзэж байна. Шүүхийн ерөнхий зөвлөл, Шүүхийн сахилгын хороог бүрдүүлэх гишүүдийг УИХ-ын даргын захирамжаар байгуулагдсан УИХ-ын гишүүн ахлан, УИХ-аас томилдог байхаар заасан. Энэ тохиолдолд ШЕЗ болон Шүүхийн сахилгын хороо нь УИХ-аас хараат болохоор байгаа. Ингэснээр шүүхийн боловсон хүчин, сахилга хариуцлагын асуудалд улс төрийн нөлөө шууд оролцох, шүүхийн хараат бус, бие даасан байдлыг бүрэн алдагдуулах нөхцөл байдал бүрдэж байна.

 

Б.Энхбаяр: Ерөнхийлөгчийн шүүх эрх мэдэлд оролцдог эрхийг булаагаагүй 

 

УИХ дахь МАН-ын бүлгийн ээлжит хуралдаанаар Ерөнхийлөгчийн тавьсан хоригуудыг хүлээн авах эсэхийг хэлэлцлээ. Хуралдаанаас гаргасан шийдвэрийн талаар бүлгийн дарга Д.Тогтохсүрэн “МАН-ын бүлэг Ерөнхий сайдад Л.Оюун-Эрдэнийг дэмжсэн. Авлигын эсрэг хуулийн өөрчлөлтөөр АТГ-ын даргыг Ерөнхийлөгчийн санал болгосноор УИХ зургаан жилийн хугацаагаар томилдог байсныг Ерөнхий сайдын санал болгосноор томилдог болсонд Ерөнхийлөгч хориг тавьсан. МАН-ын бүлгээс энэ хоригийг хүлээн авах боломжгүй гэдэг шийдвэр гаргасан. Учир нь энэ бол Үндсэн хуулийн дагуу хийгдсэн өөрчлөлт юм” гэв. Энэ үеэр УИХ-ын гишүүн Б.Энхбаяр “Шүүхийн тухай хуульд тавьсан Ерөнхийлөгчийн хоригийг хоёр үндэслэлээр хүлээн авах боломжгүй. Энэ хууль нь Үндсэн хуулийн өөрчлөлтийг хэрэгжүүлэх хүрээнд батлагдсан. Ерөнхийлөгч хуулийн төслийг боловсруулах ажилд идэвх санаачилгатай оролцсон. Хэлэлцүүлгийн явцад ажлын хэсэгт 36 зүйл бүхий 100 хуудас санал ирүүлсэн. Ажлын хэсгийн хүрээнд эдгээр саналын 98 хувийг хүлээн авч баталсан. Ерөнхийлөгчийн шүүх эрх мэдэлд оролцдог бүх эрхийг УИХ, олонх булаагаад авчихсан мэт улс төр хийж байгаа. Үгүй юм. Ерөнхийлөгчийн бүх шатны шүүгч нарыг томилох эрх нь хэвээр, Улсын Дээд шүүхийн Ерөнхий шүүгчийг томилох бүрэн эрх нь хэвээр байгаа. Иймд Ерөнхийлөгчийн  хэсэгчилсэн хоригийг хүлээж авах боломжгүй” гэлээ.

 

Эх сурвалж: "Зууны мэдээ" сонин

Shuud.mn
Сонин хачин
e:
e
2021-02-10
MAH-IIN HULGAICH, TENDERCHID, JDU-CHID, KONTSEESSCHDIIG BUGDIIN YLLAH ODOR AISUI.TA NAR MONGOLIIN SHUDARGA ARD TUMNEES HOLDOHGUI EE.MAH-IN LUICARCHDIIG YLLAH ODOR OIRHON BNA.
2021-01-26
zochin:
MAN - iihan Hyyliin Hulgaich bolj taraj baina shuu !!! Tsagan Turun - UIH - hamtdaa hyyliin hulgai hiij baina !!!
2021-01-26
zochin:
Mongol Ard Nam Ard Tumeneeree doog dohuu togloom hiij baina !!! Ogt Ogzorson yum baihgui ene jyjiglel bolj baina !!! Hyyliin hulgai hiij baigaa shuu !!! Tanar ene muuhai zavan yumaa bolioo !!!
2021-01-26
зочин:
МАН-МАНГАР. Өөр хэлэх үг олдохгүй байна.
2021-01-26
монгол:
шижир ээ чи юм уншаач ийм эзэнтэйгээ адилхан мэдлэггүй юм аа
2021-01-26