УИХ-ын гишүүн С.Ганбаатар Сүхбаатарын талбайд суулт зарлаад байгаа билээ. Түүнтэй ХЗДХ-ийн сайд Х.Нямбаатар төв талбайд суулт зарласан УИХ-ийн гишүүн С.Ганбаатартай уулзаж байна. ХЗДХ-ийн сайд Х.Нямбаатар:
-У.Хүрэлсүхийн Засгийн газар "Рио тинто" компанитай "Оюутолгой"-н гэрээнд өөрчлөлт оруулах талаар хэлэлцээ хийж байгаа. Хөрөнгө оруулагчийн талд "Монголын Засгийн газраас тавьсан саналыг хүлээж авахгүй тохиолдолд хөрөнгө оруулалтын гэрээг цуцална" гэсэн санал тавьсан. Энэ асуудалд тантай хамтарч ажиллая гэдэг зүйлийг Ерөнхий сайдаар ажиллаж байсан У.Хүрэлсүх дарга хэлүүллээ.
Би бас нөхрийг гадаа хүйтэнд зогсож байгаад эрүүл мэндийн хувьд санаа зовж байна гэв. УИХ-ын гишүүн С.Ганбаатар:
-Би ХЗДХ-ын сайдын хэлсэнд хүндэтгэлтэй хандаж байна. Би олон улсын шүүхэд Монгол Улсын Засгийн газар хэзээ нэхэмжлэл гаргах вэ. Нэхэмжлэл гаргах хүртлээ би суултаа үргэлжлүүлнэ. Өнөөдөр намайг ажлын хэсэгт оруулж байгаад баяртай байна. Би орж ажиллана. Олон улсын шүүхэд гаргах нэхэмжлэлд өөрийн саналаа илэрхийлнэ гэлээ.
ХЗДХ-ийн сайд Х.Нямбаатар:
-С.Ганбаатар гишүүний шүүхийн нэхэмжлэлд өөрийн саналаа оруулах бүрэн эрхтэй гэж бодож байна. Л.Оюун-Эрдэнэ Ерөнхий сайдаар томилогдвол цаашид С.Ганбаатар гишүүнтэй хамтарч ажиллахад бэлэн гэдгээ илэрхийлсэн.
Н.Нягт