Ерөнхийлөгч Х.Баттулга УИХ-ын ээлжит бус чуулганыг хуралдуулах тухай саналаа хүргүүллээ
2021-02-01 17:16

Монгол Улсын Ерөнхийлөгч Халтмаагийн Баттулга Улсын Их Хурлын ээлжит бус чуулганыг хуралдуулах тухай саналаа УИХ-ын дарга Г.Занданшатарт өнөөдөр албан бичгээр хүргүүллээ.

АЛБАН БИЧИГТ:

 

“Миний бие цар тахлын хүнд үед өрх бүрт нэг сая төгрөг олгох, айл өрхүүдээрээ дамжуулан үндэсний үйлдвэрлэл, аж ахуйгаа дэмжих зорилгоор “Коронавируст халдварын цар тахлаас үүдэлтэй амьдралын доройтол, нийгэм, эдийн засгийн бэрхшээлийг даван туулах онцгой арга хэмжээний тухай” Улсын Их Хурлын тогтоолын төслийг 2021 оны 01 дүгээр сарын 08-ны өдөр өргөн мэдүүлсэн боловч Улсын Их Хурал авч хэлэлцэхгүйгээр 2020 оны намрын ээлжит чуулганаа өндөрлүүллээ.

 

Мөн стратегийн ач холбогдол бүхий ашигт малтмалын ордыг эзэмшдэг, их хэмжээний гадаад валютын орлоготой үндэсний болон гадаадын хөрөнгө оруулалттай компаниудын мөнгөн гүйлгээ, төлбөр тооцоог Монгол Улсын банкаар гүйцэтгэдэг болгох зорилго бүхий “Валютын зохицуулалтын тухай хуульд нэмэлт оруулах тухай” хуулийн төслийг удаа дараа өргөн мэдүүлж, 2018 оны 10 дугаар сарын 19-ний өдрийн чуулганаар дэмжүүлсэн боловч тухайн хуулийн төслийг эцэслэн батлах талаар Улсын Их Хурал өнгөрсөн 2 жил 3 сарын хугацаанд ямар ч арга хэмжээ авсангүй.

 

Цар тахлаас урьдчилан сэргийлэх, тэмцэх чиглэлд авч хэрэгжүүлсэн хорио цээрийн дэглэм, хязгаарлалтаас үүдэн ард иргэдийн амьдрал өдрөөс өдөрт дордож, нийгэм эдийн засгийн байдал эрс хүндэрч байгаа энэ цаг үед Улсын Их Хурал холбогдох хууль, тогтоомжийн төслийг цаг алдалгүй хэлэлцэн шийдвэрлэж, шуурхай ажиллах шаардлагатай юм.

 

Иймд Монгол Улсын Үндсэн хуулийн Хорин долдугаар зүйлийн 3 дахь хэсэг, Монгол Улсын Ерөнхийлөгчийн тухай хуулийн 12 дугаар зүйлийн 1 дэх хэсэг, Монгол Улсын Их Хурлын тухай хуулийн 19 дүгээр зүйлийн 19.2 дахь хэсэгт тус тус заасны дагуу Улсын Их Хурлын ээлжит бус чуулганыг нэн даруй зарлан хуралдуулах, ээлжит бус чуулганаар “Валютын зохицуулалтын тухай хуульд нэмэлт оруулах тухай” хуулийн төсөл болон “Коронавируст халдварын цар тахлаас үүдэлтэй амьдралын доройтол, нийгэм, эдийн засгийн бэрхшээлийг даван туулах онцгой арга хэмжээний тухай” Улсын Их Хурлын тогтоолын төслийг тус тус хэлэлцүүлэн шийдвэрлүүлэх саналтай байна” гэжээ.

Эх сурвалж: President.mn

Shuud.mn
Сонин хачин
Зочин:
ЭНЭ ХУЛГАЙЧ ӨӨРИЙНХӨӨ АА НЭГЖҮҮДЭЭ САНХҮҮЖҮҮЛЭХ ГЭЭД МӨН Ч ИХ ЗҮТГЭЖ БАЙНА ДАА ХУЛГАЙЧ ХУЛГАЙЧААРАА ДУУСДАГ ГЭЖ ҮНЭ ЮМАА
2021-02-03
Сайн вакцинд энэ мөнгө зарцуулья:
Өрх гэр гэлгүй, Сайн вакцин авах нөхцөлд зарцуулья
2021-02-03
Даваасурэн:
өрх бүрдээ л гэхгүй бол хорооны хавиа ажилдаг хүмүүсийн хамаатан садан нь авна манайх шиг айлд олдох ч үгүй айлын хашаанд түрээслэнэ 7 сард төрсөн хүүхэн хүүхдийн мөнгө 300000 авч чадаагүй хороо дүүргүүд тийм л хүнд сурталтай шүү дээ
2021-02-03
76 гишүүн чинь уг нь энэ хэцүү цаг үeд л сонгогч олныхоо төлөө цаг наргүй ажилах хэрэгтэй баймаар юм. Үнэнд нийцсэн зөв зүйтэй ухаалаг шийдвэр гаргаж Ард олон Сонгогч түмнээ хүндлэж Eрөнхийлөгчтэйгөө хамтран ажилаж Ард түмэний эв нэгдэлийг харуулах хэрэгтэй юм чадахгүй бол та бүгд огцорвол болно
2021-02-03
irgen:
er ni yasan gej haagaad amraad baidag um be naad uls oron chin hynd baihad....
2021-02-02
Teg teg guilgachih setehui
2021-02-01
fjh:
ӨРХ бүрт шүү дээ !!! Хэрэв ядарсанд нь ГЭВЭЛ АЛЬ ЧАДАЛТАЙ ХӨРӨНГӨТЭЙ нь авдагшдээ
2021-02-01
хүрэл:
хэрэв хүлээж авч ШИЙДЭХГҮЙ БОЛ АРД ТҮМЭН БИД ДЭМЖИНЭ БОСНО!!!
2021-02-01
Teg teg guilgachih setehui
Маш олон ажил хийсэн засаг!
2021-02-01
1:
Энэ засаг нэг удаа нудээ олсон ажил хийж байсан билуу?
2021-02-01
Иргэн:
Өрх бүрт хавтгайруулж хэрэггүй. Ажил орлогогүй болсон өрхүүдэд бол болно. Нүдээ олж өгөх хэрэгтэй. Ажилаа хийж байгаа хүмүүст хэрэггүй шүү дээ.
2021-02-01
fjh:
ӨРХ бүрт шүү дээ !!! Хэрэв ядарсанд нь ГЭВЭЛ АЛЬ ЧАДАЛТАЙ ХӨРӨНГӨТЭЙ нь авдагшдээ
1:
Энэ засаг нэг удаа нудээ олсон ажил хийж байсан билуу?