Оросын коронавирусээс сэргийлэх вакциныг "Спутник V" Монгол Улсад бүртгэсэн талаар Оросын Шууд хөрөнгө оруулалтын сан мэдээлжээ.
Бүртгэлийг тухайн улсын нутаг дэвсгэр дээр нэмэлт эмнэлзүйн судалгаа явуулалгүй түргэвчилсэн журмаар бүртгэсэн хэмээн Оросын Шууд хөрөнгө оруулалтын сангаас мягмар гарагт гаргасан мэдэгдэлд өгүүлсэн байна. Тус сангийн мэдэгдсэнээр Шууд хөрөнгө оруулалтын сангийн хамтрагч "Монгол эм импекс концерн" ХХК-ийн дэмжлэгээр Оросын вакциныг бүртгэжээ.
Оросын Шууд хөрөнгө оруулалтын сангийн мэдээлснээр, Монгол Улс "Спутник V" вакциныг бүртгэсэн 23 дахь орон болсон бөгөөд өмнө нь Орос, Беларусь, Аргентин, Боливи, Серби, Алжир, Палестин, Венесуэл, Парагвай, Туркменистан, Унгар, АНЭУ, Иран, Гвиней, Тунис, Армени, Мексик, Никарагуа, Серби, Ливан, Мьянмар, Пакистан гэсэн улс орнуудад бүртгэсэн байна.
Эргэн сануулахад, анагаах ухааны нэр хүндтэй сэтгүүлч болох The Lancet энэ сарын эхээр Оросын "Спутник V" вакцины эмнэлзүйн судалгааны гурав дахь шатны үр дүнг нийтлэн, аюулгүй, үр дүнтэй хэмээн онцолсон юм. Энэ вакцин 91.6 хувь, 60-аас дээш насныхны дунд 91.8 хувийн үр дүн үзүүлээ. "Спутник V" вакцин тариулсны дараа сайн дурынхны 98 хувьд коронавирусийн эсрэг биет үүссэн нь илэрсэн байна.
Г.Бямбасүрэн
Уншиж байна |