"Богдхан" төмөр замыг барих төслийг эрчимжүүлнэ
2021-02-25 17:58

 

Монгол Улсын Шадар сайд С.Амарсайхан Худалдаа, эдийн засаг, шинжлэх ухаан, техникийн хамтын ажиллагааны Монгол-Оросын Засгийн газар хоорондын комиссын Монгол хэсгийн даргын хувиар “Улаанбаатар төмөр зам” ХНН-ийн нэгдүгээр орлогч дарга Игорь Васильевич Милостныхтай уулзав.

 

Уулзалтын эхэнд "Улаанбаатар төмөр зам" ХНН-ийн үйл ажиллагааны явцын талаар мэдээлэл солилцож, ачаа тээвэр болон зорчигч тээврийн урсгалыг нэмэгдүүлэх, экспортын тээвэрлэлтийг эрчимжүүлэх асуудлаар санал солилцов. Мөн стратегийн ач холбогдол бүхий "Богдхан" төмөр замыг барих төслийг эрчимжүүлэх талаар санал нэгдлээ.

 

"Богдхан" төмөр замын төсөл хэрэгжсэнээр төмөр замын дамжин өнгөрөх болон бусад экспорт, импортын ачаа тээврийн галт тэргийг хот дундуур явуулалгүй Богдхан уулын урдуур тойрох юм. Уг төслийн ТЭЗҮ-ийг зургаан сарын дотор боловсруулж, гурван жилд багтаан ашиглалтад оруулахаар урьдчилан тооцсон байна.

 

"Улаанбаатар төмөр зам" ХНН-ын зүгээс өөрсдийн хөрөнгөөр ОХУ-аас Спутник-V вакциныг худалдан авч, нийт ажилчид болон тэтгэвэрт гарсан ахмад ажилчдыг вакцинд хамруулах хүсэлтэй байгаагаа илэрхийллээ.

Эх сурвалж: Шадар сайдын хэвлэл

Shuud.mn
Сонин хачин
ЗӨНДӨӨ ЯРЦЫШДД:
30 ЖИЛ ЯРЬЦЫШДЭЭ... ЯДАРГААТАЙ ЮМ БЭ. ЯРИХ ЮМ ҮЛДЭЭГҮЙ . АЖЛАА ХИЙЛ ДЭЭ. 100 ХҮРЭХГҮЙ КМ ТӨМӨР ЗАМ .НЭГ ЖИЛИЙН ДОТОР БАРИНА ШД.
2021-02-26
ӨӨРСДӨӨ МОНГОЛЧУУДААР АА ХИЙЛГЭЭСЭЭ ДЭЭ БИД Л ДАНДАА МУНХАГААРАА ҮЛДМЭЭРГҮЙ БАЙНА ШҮҮ ЭРХ БАРИГЧИДАА ..МОНГОЛЧУУД ТОМ ТӨСӨЛ ХИЙЖ ЧАДАХГҮЙ ГЭСЭН НААД БАЛИАР БОДЛООСОО САЛААСАЙ ..
2021-02-26