Коронавирусээс сэргийлэх вакцинжуулалтыг үндэсний дархлаажуулалтын товлолд багтаахад чиглэгдсэн хуулийн төслийг ОХУ-ын Засгийн газар Төрийн думаар хэлэлцүүлэхээр болсон талаар Оросын Эрүүл мэндийн сайд Михаил Мурашко мэдэгдсэнийг Регнум агентлаг мэдээлжээ.
"Ойрын үед Засгийн газар коронавирусээс сэргийлэх вакцинжуулалтын үндэсний товлолд оруулах, мөн донорын асуудалтай холбоотой гэсэн хоёр хуулийн төслийг өргөн барина" гэж Мурашко мэдэгджээ.
Өмнө нь Оросын төдийгүй олон улсын вирус судлаачид коронавирусийн халдвар томуугийн адилаар улирлын шинжтэй өвчлөл болж болзошгүй гэж удаа дараа мэдэгдэж байлаа. Ингэснээр вакцинжуулалтыг тогтмол хийх шаардлагатай болж магадгүй гэдэг үүднээс ОХУ ийнхүү товлолт вакцинжуулалтад коронавирусийн вакциныг багтаахаар төлөвлөж байгаа аж.
Г.Бямбасүрэн
Уншиж байна |