Эрүүл мэндийн яам, Баянзүрх дүүргийн эрүүл мэндийн төвийн хүсэлт, зөвлөмжинд үндэслэж Баянзүрх дүүргийн Засаг даргын захирамж гарч 26 дугаар хороо хязгаарлалтын дэглэмд шилжээд байна.
Баянзүрх дүүргийн хэмжээнд гуравдугаар сарын 17-ны өдөр нийт 52 тохиолдол шинээр бүртгэгдсэнээс таван тохиолдол нь хязгаарлалтын дэглэм тогтоосон 26-р хорооноос илэрчээ. Шинжилгээний явуулын баг тус хорооны 7448 иргэнээс шинжилгээ авч сорьцыг хүргүүлсэн байна. Өнөөдрөөс 7457 иргэнийг шинжилгээнд хамруулж, ариутгал халдваргүйтгэл хийх аж.
Баянзүрх дүүргийн 26-р хороонд 3 дугаар сарын 17-ны 06:00 цагаас 3 дугаар сарын 21-ний 23:00 цаг хүртэл хязгаарлалтын дэглэм тогтоохдоо үйл ажиллагаа явуулах хүнсний дэлгүүр, супермаркетуудыг архи, согтууруулах ундаа худалдаалахыг хориглосон.
Уншиж байна |