УИХ-ын чуулганы нэгдсэн хуралдаан эхэллээ. Хуралдаанаар хэлэлцэх асуудлын дарааллыг УИХ-ын дарга танилцуулах батлав. Дараагаар нь гишүүд горимын санал хэллээ.

УИХ-ын гишүүн Н.Алтанхуяг:

-Эрүүдэн шүүхийн эсрэг асуудлаар горимын санал хэлье. С.Зоригийн амь насыг хөнөөсөн хэрэгт ял эдлээд байгаа Т.Чимгээгийн асуудлыг шийдье. Шоудахаа больё. Энэ хүнийг гаргах асуудлыг шийдье. Шоронд хүн тамлагдаж болохгүй. Сонгууль сонгуулийн өмнө шоу хийж, хүний үхлээр тоглодог зүйлийг болимоор байна. Захиалагчийг нь гаргамаар байна. 

Гурван хувийн хүүтэй зээл өгч байгаа бол сайн зүйл. Манай гаргаж байгаа шийдвэр эзэндээ хүрэхгүй байна. Хуучин зээлтэй хүмүүсийн зээлийг гурван хувь руу болгомоор байна. гэлээ.

УИХ-ын дарга Г.Занданшатар: 

-Маргааш Засгийн газар гишүүний асуулгад хариулна. Ц.Мөнхцэцэг нарын гишүүд хүний эрхийн асуудлаар ажлын хэсэг байгуулсан гэлээ.

Ингээд Хүний эрхийг хамгаалах эрхзүйн байдлын тухай хуулийн төслийг хэлэлцэж эхэллээ. Хэлэлцэж байгаа асуудалтай холбогдуулан гишүүд асуулт тавьж, хариулт авлаа. Дараагаар нь зарчмын зөрүүтэй 32 санал хураалтаар санал хураалт явуулж байна. 

Н.Нягт