ОХУ-ын нийслэл Москва хотын оршин суугчдын 44 хувь нь коронавирусээс сэргийлэх дархлаа нь харьцангуй өндөр үздүүлэлттэй болсон гэнэ. Энэ талаар Москва хотын орлогч дарга Анастися Ракова РИА Новости агентлагт мэдээлжээ.
Анастасия Раковагийн өгүүлснээр, хотын оршин суугчдын бараг тал орчим нь ийнхүү дархлаатай болсноор "бага зэргийн хязгаарлалттайгаар хэвийн амьдралаар амьдрах боломжтой" болж байгаа аж. Оросын нийслэл Москва хотод сая орчим хүн вакцины эхний тунгаа хийлгэсэн бол, үүнээс 80 хувь нь бүрэн вакцинжуулалтад хамрагдсан буюу хоёр дахь тунгаа хийлгүүлжээ.
Өмнө нь Москва хотын дарга Сергей Собянин Москва хот тавдугаар сар гэхэд хэвийн амьдралдаа шилжих боломжтой гэж мэдэгдэж байлаа. Энэ үед коронавирусийн халдварын тохиолдол буурна гэж тэрбээр үзэж байгаа аж.
Энд дуулгахад ОХУ-д цар тахал дэгдсэнээс хойш коронавирусийн халдвар 4,43 сая бүртгэгдсэнээс 4.05 сая нь эдгэрч, 94 624 хүн нас баржээ.
Г.Бямбасүрэн
Уншиж байна |