Засгийн газар яг одоо коронавирусийн халдварын нөхцөл байдлыг хэлэлцэж байна. Эрүүл мэндийн яамнаас хөл хорио тогтоох саналыг удаа дараа гаргаад буй.
Сүүлийн өдрүүдэд өдөрт илрэх халдварын тоо нэмэгдэж, 800-г даваад буй. Мөн нас баралт нэмэгдэж, биеийн байдал нь хүндэрсэн хүмүүсийн тоо ч өсч буй. Халдварын тоо ихсэж байна гэдэг нь хүндрэх хүмүүсийн тоо нэмэгдэнэ гэсэн үг.
ХӨСҮТ-ийн тархвар судлаач Э.Тэмүүлэн нөхцөл байдлыг энэ хэвээр явбал 14 хоноход өдөрт илрэх халдварын тоо 1000 давах бодит аюул тулгарч байгааг хэлж буй. Тиймээс 14-18 хоногийн хөл хорио тогтоох шаардлагатай хэмээн үзэж байна. Эрүүл мэндийн яам, ХӨСҮТ-өөс халдварыг хязгаарлах хамгийн оновчтой аргыг хөл хорио хэмээн үзэж буй. Харин Засгийн газар хөл хорио эдийн засгийг уналтад оруулна хэмээн хойшлуулсаар байгаа юм.
В.Бат
Уншиж байна |