Коронавирусийн цар тахлын улмаас тогтоосон Чехд тогтоосон онц байдлын дэглэмийг дөрөвдүгээр сарын 12-ны өдрөөс эхлэн цуцалж байгаа талаар ТАСС агентлаг мэдээллээ.
Чехд онц байдал 188 өдөр үргэлжилсэн бөгөөд энэ хугацаанд хөл хорих цаг тогтоож, хот хооронд зорчих хөдөлгөөнийг хориглож байжээ. Харин өнөөдрөөс эхлэн энэ хоригууд цуцлагдсан байна.
ТАСС агентлагийн мэдээлснээр, Чехийн эрх баригчид коронавирусийн тархалттай тэмцэх зорилгоор авч хэрэгжүүлсэн хязгаарлалтуудыг аажмаар цуцлах ажлаа эхлүүлжээ. Ингэснээр дөрөвдүгээр сарын 12-ны даваа гарагаас эхлэн бага сургуулиудын хичээл эхлэж, ахлах бүлгийн хүүхдүүд цэцэрлэгтээ эргэн явах боломжтой болсон байна. Боловсролын байгууллагуудад долоо хоногт хоёр удаа коронавирусийн шинжилгээ авах гэнэ.
Түүнчлэн өнөөдрөөс эхлэн зах, хими цэвэрлэгээ, дэлгүүрүүд үйл ажиллагаагаа сэргээжээ. Мөн номын сан, амьтны хүрээлэн, ботаникийн цэцэрлэгүүд үүд хаалгаа нээсэн байна.
Хэдийгээр цар тахалтай холбоотой хязгаарлалтуудыг цуцалсан ч тус улсын халдварын нөхцөл байдал Европ дахь хамгийн хүнд нөхцөлд тооцогдож байгаа юм. Тус улсад тахал дэгдсэнээс хойш халдварын тохиолдол 1.58 сая бүртгэгдсэнээс 1.45 сая хүн эдгэрч, 27 734 хүн нас баржээ.
Г.Бямбасүрэн
Уншиж байна |