УИХ дахь АН-ын бүлгийн гишүүд Сүхбаатарын талбайд суулт зарлаж байгаа билээ.  СЕХ МАН-аас нэр дэвшигч У.Хүрэлсүх, "Зөв хүн- элекотрат" эвслээс нэр дэвшигч Д.Энхбат, АН-аас нэр дэвшигч С.Эрдэнэ нарын материалыг хүлээж авсан. Харин АН-аас нэр дэвшигч Н.Алтанхуягийн материалыг аваагүй учир суулт зарлаж байгаа. Харин өнөөдөр тэд СЕХ-нд очиж, нэр дэвшигчээ бүртгүүлэх асуудлыг тавьсан байна.

УИХ-ын гишүүн Ц.Туваан:

-СЕХ-г хуулийн дагуу ажиллаж, хянаарай гэдгийг хэллээ. Бид материалаа хүлээлгэж өгсөн гэж үзэж байгаа. СЕХ аль нэг намын нөлөөлөлд авталгүйгээр шийдвэрээ гаргана гэж харж байгаа. УДШ-ийн хуралдаанаар С.Эрдэнийн АН-ын даргаар бүртгэсэн бүртгэлийг сэргээхээс татгалзсан байдаг. Өнөөдөр Шүүхийн шинэчилсэн хуулиар шинэ нөхцөл үүссэн. УДШ-ийн нийт шүүгчийн хуралдааны тогтоолоор цахим хурлаар ҮБХ, Дотоод сонгуулийн хороог бүртгэхээс татгалзсан. Бидний улс төрийн тэмцэл өлсгөлөн рүү орох шалтгаан нь энэ. С.Эрдэнийг УДШ бүртгэхээс удаа дараа татгалзсаар байхад Дээд шүүхийн бичгээр СЕХ бүртгэсэнд бид тэмцэл хийсэн. Мөн С.Эрдэнэд байгаа АН-ын нэртэй тамгыг бүртгэхээс түдгэлзсэн. Өнөөдөр шүүх хурал хуралдана. Бүх зүйлийг нэг намын заавраар хийгээд байгаа  гэлээ. 

Н.Нягт