УИХ дахь Ардчилсан намын бүлгийн гишүүд Сүхбаатарын талбайд өлсгөлөн зарлаад тав хонож байна. УИХ-ын гишүүн А.Адъяасүрэнгийн эрүүл мэндийн суурь үзүүлэлтүүд өнгөрсөн шөнө улам муудсан учраас эмчийн заалтаар эмнэлэгт хүргэгдэж, эмчилгээ эхлүүлжээ. Эмнэлэгт очсоны дараа хүчтэй урвал өгсөн ч одоогоор биеийн байдал тогтворжсон гэж мэдээлэв. Ингэснээр тэрбээр өлсгөлөнгөө зогсоож буй аж.
Бусад гишүүн өлсгөлөнгөө үргэлжлүүлж байна. Тэд эрүүл мэндийн ээлжит үзлэгтээ хамрагдлаа. Одоогоор гишүүдийн биеийн байдал хэвийн байна.
В.Бат