Америкийн Амазон компанийг үүсгэн байгуулагч, дэлхийн хамгийн баян эрхэм ирэх сарын 20-ны өдөр сансарт ниснэ хэмээн мэдэгдлээ. Тэрбээр өөрийн хөлгөөр дүүтэйгээ хамт сансарт нисэх гэнэ. 

"Би таван настайгаасаа л сансарт нисэхийг мөрөөддөг байсан. Долдугаар сарын 20-ны өдөр дүүтэйгээ хамт энэ аяллаа хийнэ" хэмээн Жефф Безос Инстаграмдаа бичжээ. 

Безост харьяалагддаг Blue Origin  компани долдугаар сарын 20-ны өдөр New Shepard хөлгөөрөө тойрог замын нислэг үйлдэж, анх удаа зорчигч илгээх юм.