Р.Баатархүү нарын 30 хүнд холбогдох хэргийн шүүх хурал дахин хойшиллоо
2021-06-14

Нийслэлийн прокурорын газрын хяналтын прокуророос яллах дүгнэлт үйлдэж ирүүлсэн шүүгдэгч Р.Баатархүү нарын нэр бүхий 30 шүүгдэгчид холбогдох хэргийн гэм буруугийн шүүх хуралдаан Баянгол дүүргийн эрүүгийн хэргийн анхан шатны шүүхэд 2021 оны 06 дугаар сарын 14-ний өдөр товлогдсон. Гэвч Ховд аймагт оршин суудаг нэр бүхий 11 шүүгдэгч шүүх хуралдааныг хойшлуулах тухай хүсэлт ирүүлсэн /4 шүүгдэгч нь ойрын хавьтлын улмаас гэрийн тусгаарлалтад орсон/ мөн аймгийн Онцгой байдлын комисс нь “Халдвартай бүс нутаг руу явуулах боломжгүй” гэсэн албан бичиг ирүүлсэнийг шүүх бүрэлдэхүүн хэлэлцээд шүүх хуралдааныг 2021 оны 07 дугаар сарын 19-ний өдрийн 09:00 цаг хүртэл хойшлуулж шийдвэрлэлээ.

 

Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн Тамгын газар

Shuud.mn
Сонин хачин