УИХ-ын чуулганы нэгдсэн хуралдаанаар АТГ-ын дэд даргаар Г.Азжаргалыг томилох асуудлыг хэлэлцэж байна. Дэд даргаар томилох Г.Азжаргалын танилцуулгыг АТГ-ын дарга хийлээ.

АТГ-ын дэд даргад санал болгосон Г.Азжаргалын товч намтар: 

• 1984 онд Улаанбаатар хотод төрсөн. 37 настай, эхнэр, 2 хүүхдийн хамт амьдардаг.

• 1992-2002 онд  бүрэн дунд сургууль,

• 2002-2007 онд ОХУ-ын Дотоод хэргийн их сургуулийг эрх зүйч мэргэжлээр төгссөн. 

• 2011 онд АНУ-ын Ази номхон далайн аюулгүй байдлын судалгааны төвд терроризмтой тэмцэх чиглэлээр,

• 2013 онд АНУ-ын Холбооны мөрдөх товчооны үндэсний академид үндэстэн дамнасан гэмт хэрэгтэй тэмцэх чиглэлээр,

• 2017 онд ОХУ-ын Холбооны аюулгүй байдлын институти

Эрхэлсэн ажил:

• 2002-2007 онд Цагдаагийн ерөнхий газрын Эргүүл хамгааллын газрын 801-р ангийн эргүүлийн цагдаа,

• 2007-2008 онд Цагдаагийн ерөнхий газрын Эрүүгийн цагдаагийн газарт эрүүгийн төлөөлөгч,

• 2008-2013 онд Эрүүгийн цагдаагийн газрын 3-р хэлтэст төлөөлөгч,

• 2013-2014 онд Эрүүгийн цагдаагийн газарт ахлах төлөөлөгч,

• 2014-2015 онд Зохион байгуулалттай гэмт хэрэгтэй тэмцэх газрын 3-р тасгийн дарга,

• 2015-2016 онд Эрүүгийн цагдаагийн газарт тасгийн дарга,

• 2016-2018 онд Авлигатай тэмцэх газрын Гүйцэтгэх ажлын хэлтсийн тасгийн дарга,

• 2018 оноос одоог хүртэл Авлигатай тэмцэх газрын Гүйцэтгэх ажлын хэлтсийн даргаар ажиллаж байна.

Дараагаар нь гишүүд асуулт тавьж, хариулт авч байна. 

УИХ-ын гишүүн Г.Мөнхцэцэг:

-АТГ-ын дэд даргаар томилохыг дэмжиж байна. Авлигаас урьдчилан сэргийлэхэд соён гэгээрүүлэх ажил чухал. Та энэ тал дээр юу хийх вэ?

АТГ-ын дэд даргад нэр дэвшигч Г.Азжаргал: 

-АТГ иргэдээ соён гэгээрүүлэх тал дээр ажилласаар ирсэн. Цаашдаа мэдээллийн ил тод байдал анхаарч ажиллана. 

УИХ-ын гишүүн Б.Баярсайхан:

-Орон нутаг авлигын эсрэг ажлыг эрчимжүүлж чадах уу? Орон нутагт авлига их байна. 

АТГ-ын дэд даргад нэр дэвшигч Г.Азжаргал: 

-АТГ орон нутагт бүтэц бүрэлдэхүүн байхгүй. 2019 оноос гурван аймагт төлөөлөгч томилоод ажиллаж байгаа. Соён гэгээрүүлэх жил явж  байгаа. 

Ийнхүү гишүүд АТГ-ын дэд даргаар Г.Азжаргалыг томилох УИХ-ын тогтоолыг дэмжин батлав.

Чуулганы хуралдаан үргэлжилж байна. 

Н.Нягт