Эрүүгийн цагдаагийн албанаас цахим гэмт хэргийн талаар мэдээлэл хийлээ. ЭЦА: "Цахим орчинд иргэдийн сонирхол татах мэдээлэл тарааж, тусгай хаягаар орж харна уу гэсэн агуулга бүхий мэдээллийг цахим орчинд бэлтгэж түгээж байна. Иргэдийн цахим хаяг, нууц үгийг хуулбарлан авч, хууль бусаар худалдан борлуулах замаар ашиг олдог, бусдын нэр төрийг гутаан доромжлох, гэмтсэн мэт мэдээлэл тараах үйлдэл хийж байна. Түүнчлэн 2020 оны нэгдүгээр сарын 10-ны өдөр эрүүгийн хуульд орсон нэмэлт өөрчлөлтөөр олон нийтийн газар, мэдээлэл технологи ашиглан мөрийтэй тоглоом зохион байгуулах үйлдлийг гэмт хэрэгт тооцож, тус хуулийн 20.17 зүйлд хуульчилж байна.

Сүүлийн үед цахим орчинд мөрийтэй тоглоом зохион байгуулах нэлээдгүй хэргүүд гарч байгаа. Монгол Улсад өнгөрсөн оны байдлаар 18 онлайн тоглоомын  сайт үйл ажиллагаа явуулж байсан бол өнөөдрийн байдлаар 231 болж өссөн байна. Одоогоор онлайн тоглоомын үйл ажиллагаа явуулж байгаа 68 сайт , гэмт этгээдүүдэд эрүүгийн хуулийн тусгай ангид заасны дагуу хэрэг бүртгэлийн мөрдөн шалгах ажиллагаа явуулж байгаа. Мөн 38 хэрэгт эрүүгийн хэрэг үүсгэж, яллагдагчаар татан ажиллаж байна. Онлайн мөрийтэй тоглоом зохион байгуулж байгаа 72 сайтын мэдээллийг харилцаа холбооны зохицуулах хороонд хүргүүлж, манай улсаас хандах хандалтыг хязгаарлаад байна. Цахим  орчны хэрэглээ нэмэгдсэн учир цахим орчинд үйлдэгдэж байгаа гэмт хэргийн хохирогч, золиос болох тохиолдлууд цөөнгүй гарч байгаа. Мөн цахим орчинд иргэдийг залилах гэмт хэргийн тоо үзүүлэллт өсөн. Жишээлбэл, 2015 онд энэ төрлийн гэмт хэрэг 17 бүртгэгдэж байсан. Харин 2021 онд 1700 гэмт хэрэг бүртгэгджээ" гэж мэдээллээ. 

М.Насан