У.Хүрэлсүх: Токиогийн тэнгэрт Монголын Төрийн далбаа олонтоо мандах болтугай
2021-07-23 15:19

Монгол Улсын Ерөнхийлөгч У.Хүрэлсүх Токио-2020 олимпийн наадамд оролцож буй баг тамирчдад мэндчилгээ дэвшүүлж, амжилт хүслээ. 

 

 

Монголын олимпийн баг, тамирчид аа!

 

Хүн төрөлхтний эв нэгдлийн илэрхийлэл, спортын цэнгэлийн манлай зуны XXXII олимпийн наадам энэ өдрүүдэд тохиож байна.

 

Монголын баг тамирчид зуны олимпод оролцож эхэлснээс хойших 57 жилийн дотор “Токио-1964”-гоос “Токио-2020” хүртэлх замыг туулж, зуны 13 удаагийн олимпод оролцон 2 алт, 10 мөнгө, 14 хүрэл медаль хүртэн, олимпийн тэнгэрт төрийн дууллаа эгшиглүүлж, алтан соёмбот далбаагаа мандуулсан түүхтэй.

 

Дэлхий дахиныг хамарсан цар тахлын амаргүй цаг үед Монголын баг тамирчид идэвхтэй бэлтгэл сургуулилтаа базааж, цуцалтгүй хөдөлмөрлөж спортын 10 төрлөөр 43 тамирчин эрхээ аван оролцож байгааг онцлон тэмдэглэж байна. Манай баг тамирчид туурга тусгаар Монгол орныхоо нэр хүндийг олимпийн тавцанд өндөрт өргөнө гэдэгт итгэлтэй байна.

 

Дэлхий дахинаараа хүсэн хүлээсэн олимпийн энэ наадамд “Хурднаас хурдан, өндрөөс өндөр, хүчтэйгээс хүчтэй, хамтдаа” уриан дор нэгдэж амжилт ялалтаар дүүрэн оролцохыг баг, тамирчид Та бүхэндээ хүсэн ерөөе!

 

Токиогийн тэнгэрт Монгол Улсын Төрийн далбаа олонтоо мандах болтугай!

 

Монгол Улсын Ерөнхийлөгч Ухнаагийн Хүрэлсүх

Shuud.mn
Сонин хачин
Иргэн:
Хоосон мөрөөдөхөө боль. Төрөөс тусгайлан сайн дэмж тэгээд медаль горьд. Бусдаар бол найдах мөрөөдөх хэрэггүй.
2021-07-24
shaalgui ter zombi batsaanaa avch irj ediin zasag zam hariltsaa hil gaaliin asuudliig hevend ni ouul gej helye
2021-07-23