Олимпийн гурав дахь өдөр найман тамирчин, 3х3 сагсан бөмбөгийн баг дэвжээнээ гарна. Энэ өдрийн гол найдвар нь жүдо бөхийн 81 кг-ын жинд барилдах Сайед Моллай байна. Түүнийг медалийн тавцанд зогсоно гэсэн итгэл найдвар жүдо сонирхогчдод бий.

2018 оны дэлхийн аварга, 2019 оны дэлхийн аваргын хүрэл медальт Сайед Моллай "Ди" хэсэгт эхний барилдаанаа 2018 оны Азийн наадмын аварга Казахстаны Дидар Хамзатай хийнэ. Харин эмэгтэйчүүдийн -63кг жинд Хэнтий аймгийн Баянхутаг сумын харьяат, зэвсэгт хүчний "Алдар" спорт хорооны тамирчин Болдын Ганхайч, Мексикийн Авати Алькарастай барилдахаар оноолт таарсан байна.

Жүдогийн эхний барилдаанууд 10.00 цагт эхэлнэ.