"Токио-2020" зуны XXXII олимпийн наадмын жүдо бөхийн төрөлд амжилттай оролцсон Монголын жүдо бөхийн холбоо, үндэсний шигшээ баг, тамирчид өнөөдөр эх орондоо хүрэлцэн ирнэ. Эмэгтэйчүүдийн -48кг жинд МУГТ М.Уранцэцэг хүрэл, эрэгтэйчүүдийн -73кг жинд ОУХМ Ц.Цогтбаатар хүрэл, эрэгтэйчүүдийн -81кг жинд Саиед Моллай мөнгөн медаль хүртэж олимпийн наадмын жүдо бөхийн төрөлд нийт оролцсон 128 улсаас 6-р байрт шалгарсан амжилттай эх орондоо ирж байна.