Ардчилсан нам ээлжит “Мэдээллийн цаг”-аа өнөөдөр Хэлмэгдэгсдийн хөшөөний өмнө хийлээ. Өнөөдөр Монгол Улсад эдийн эрх чөлөө, хүний үзэл бодол илэрхийлэх, чөлөөтэй зорчих эрх хумигдсаныг тус намаас мэдээлж байна.

1. УИХ-ын дарга төв банкны удирдлагад том мөнгөн дэвсгэрт гаргах судалгаа хийхийг үүрэгдлээ. Энэ бол иргэдийн эдийн засгийн эрх чөлөөг үгүй хийж буй хэрэг юм. Эдийн засгийг туйлдуулах бодлогоор явбал нэг ширхэг талхыг шуудай мөнгөөр авдаг болно. Өнөөдөр 20 мянгатын дэвсгэртийг гүйлгээнээс гаргах талаар ажиллавал эдийн засаг зөв чиглэл рүү явж байна гэсэн үг.

2. NoNaadam санаачилга гаргасан залуусыг шалгаж байгаа, шалгаагүй гэсэн мэдээлэл яваад байна. Энд төрийн байгуулага тайлбар хийж, мэдээлэл өгөх ёстой. Иргэдийн гаргасан мэдээллийг шалгаж, мэдээллээр хангадаг байх ёстой.

3. БШУ-ын сайд 185 000 сурагч хичээлийн хоцрогдолтой байгааг хэллээ. Монголын ирээдүй болсон 185 000 хүний ирээдүй алга боллоо гэсэн үг. Энэ хоцрогдолыг нөхөх бодит бодлого танилцуулсангүй. БШУЯ-ны яам маш зоригтой алхам хийх ёстой гэсэн мэдээллийг Ардчилсан намын Ерөнхий нарийн бичгийн дарга Ч.Өнөрбаяр өглөө.

В.Бат