Хот хоорондын нийтийн тээврийн нэгдсэн төв болох Лавай авто вокзалаас нийтийн тээврийн үйлчилгээ явах боломжгүй болсонтой холбогдуулан Төв аймгийн хот хоорондын зорчигч тээвэр нь Драгон авто вокзалаас үйл ажиллагаагаа явуулахаар боллоо.

Энэхүү шийдвэрийг Төв аймгийн 100 гаруй зорчигчдоос түүврийн аргаар санал авсны үндсэн дээрээс гаргасан бөгөөд Есдүгээр сарын 13-наас буюу ирэх 7 хоногийн даваа гаригаас эхлэн өглөөний 08 цагаас оройны 21.00 цаг хүртэл хоёр цаг тутамд явахаар болжээ. Нийтийн тээврийн үйлчилгээний үнэ, тарифад өөрчлөлт гараагүй ба зорчигчид тасалбараа цахимаар АТҮТ - Онлайн тасалбар захиалга (transdep.mn) сайтаар захиалах боломжтой.