Цавчаатай эвлэрээгүй Н.Уртнасан харин ч урт настай сайд байж мэднэ
2021-09-09 13:06

Байгаль орчин, аялал жуулчлалын сайд Н.Уртнасанг хэвлэл, сошлоор нэлээн хэдэн сар гөвлөө. Төрийн сайд, улс төрийн томилгоот албан тушаал хашиж байгаа хүний хувьд  сайн үг сонсох нь угаасаа ховор, ихэвчлэн зад шүүмжлүүлнэ. Гэхдээ эрүүл шүүмжлэл бол салбарын бодлого, яамны ажил дээр төвлөрч өрнөдөг. Харин Н.Уртнасан сайд руу түүний өмссөн хувцас, бие хүний зан төлөв, хүйсээр нь ялгаварлах хандлагатай арга ядсан, бохир аргаар баахан дайрав.

 

 

Хамгийн сүүлд нь одоогийн Засгийн газраас Н.Уртнасан сайдыг өнөөдөр огцруулна гэж хүртэл сум тавьж байх жишээтэй. Сайд Н.Уртнасан огцорсонгүй, огцрохгүй. Байгаль орчин, аялал жуулчлалын яаманд 2019-2000 онд орсон аудитын шалтгалтын дүнг Н.Уртнасанд наах гэж оролдоод бүтэлгүйтлээ. Тухайн шалгалт хийсэн үед Н.Уртнасан сайдаар томилогдоогүй байсан тул төсвийн сахилга бат алдсан гэсэн гүтгэлэг нэг ч алхалгүй няцаагдав.

 

Энэ яаманд Зайсангийн газар гэдэг шиг "Ховор ан"-гийн зөвшөөрөл гэх тусгай кодлогдсон унацтай бизнес цэцэглээд удаж байгааг хүн бүр мэднэ. Ар өврийн хаалгаар нэвтрүүлдэг, авлига, шан харамж хардаг, монополь байдал үүсгэдэг гээд олон жил Байгаль орчны, яамыг муухай харагдуулдаг сэдвүүдийн нэг. Олон ч хүн үүнээс болж дээлээ нөмөрсөн. Сайд Н.Уртнасан ховор ангийн зөвшөөрөл олгох үйл явцыг эхнээс нь авахуулаад дуустал шилэн болгох шийдвэр гаргачихаж. Нууж хулгайлах боломжгүй, бүгд ил тод болно гэсэн үг шүү дээ.

 

Цавчааг нь тас цавчиж хаясанд ховор ангаар хоол залгуулдаг байсан хэсэг бүлэг хүн Н.Уртнасанг дотроос нь ч, гаднаас нь элэгдээд байгаа хэрэг л дээ. Ер нь иймэрхүү аргаар амьдрагсдын эрх ашиг хөндөгдөөд эхлэхээр сайд руугаа ноцдог, огцрох гэж байна гэх мэссэж түгээдэг хар технологийг монголчууд таньдаг болчихсон. Ховор ангийн зөвшөөрлийг бизнес болгочихсон эрчүүд л эмэгтэй сайдад эр бяраа үзүүлэх гэж хөгөө чирч байгаа хэрэг. Энэ бүхэнтэй эвлэрч суулгүй тэмцэж чадаж байгаа Н.Уртнасан харин ч урт настай сайд байж мэднэ.

 

Н.Уртнасан сайд дахиад ч олон хүний эгдүүг хүргэх нь тодорхой болсон. Аль 2013 он дээр гацчихсан маш олон нормативуудыг шинэчилж, цөлжилттэй бодитоор тэмцэж, хуш модны самарт эзэн суусан цөөн компанийн монополийг зад татаж, газрын гүний ус үйлдвэрлэлд ашиглаж байгаа уул уурхайн компаниудад гадаргын усны нөөц бүрдүүлэх, ашиглахыг санал болгох гээд галтай олон бодлогын шийдвэр гаргана. Үүнд нь нэг хэсэг нь дургүйцэх ч хожмоо бол зоригтой шийдэл байсан гэж нийтэд тодоор үнэлэгдэнэ.

 

Эх сурвалж: elive.mn

Shuud.mn
Сонин хачин
Зочин:
Худлаа битгий хошгируулаад бай
2021-09-09
Сүүлийн 2-3 өдөр захиалгаар магтуулж их бичүүлж байх шив дээ кк, огцруулах гэж байна гэсэн мэдээ яваад байсны хариуд төлбөртэй мэдээ бичүүлээд мөнгө ихтэй л байна даа, даравч далдайна булавч бултайна гэж энэ дээ, Монгол төрийн босго өндөр шүү өөрийгөө засч чадаагүй ийм хүн сайдад нийцэхгүй ээ,
2021-09-09
Zochin:
Said ooriigoo magtuulj huneer bichuulj dee
2021-09-09
Nam bus irgen:
Uneneer yavbal uher tergeer tuulaig guitsnee gej. Uneheer unench shudargaar sain ajillaj baigaa bol mash sain bna. Bayar hurgiye. Amjilt husiye. Toiron hureelegchidee neg sain ajaarai, haraarai ardaas chini Tugjildeh vii. Ineesen bolgon nuhur bish, uurlasan bolgon daisan bish.
2021-09-09
DR. UROLOGIST:
БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)
2021-09-09