Иргэний зориг ногоон намаас мэдээлэл хийлээ. ИЗНН-ынхан УИХ-ын нөхөн сонгуулийг хар машинаар тоолохгүй гараар тоолохыг уриаллаа. Энэ уриалгыг дэмжиж байгаа  бүх нэр дэвшигчид хамтран ажиллахад бэлэн байгаа аж. УИХ-ын нөхөн сонгуульд ИЗНН-аас нэр дэвшигч Ш.Гантулга: 

-Монгол Улсын Үндсэн хуулинд "Засаг төрийн бүх эрх мэдэл ард түмний гарт байна" гэж бичсэн байдаг. Түүнээс биш сонгуулийн хар машиныг оруулж ирсэн намын гарт төрийн эрх мэдэл байна" гэж заагаагүй. Сонгуулийн хар машин монголын ард түмэн хар ирээдүйг авчирч байна. Сонгуулийн хар машин ард түмнийг хамгийн ихээр басаж, доромжилсон зүйл. Бид ирээдүйгээ сайнаар харахыг хүсч байгаа бол шударга бус зүйлээс татгалзах ёстой. Сонгуулийн хар машин монголчуудын, тэр дундаа залуучуудын ирээдүйг хулгайлж байна гэлээ. 

Н.Нягт