ФОТО: Met Gala-Загварын ертөнц хөл хорионоос гарав
2021-09-14 14:05
Билли Айлиш Мэрилэн Монрогийн хэв маягийг шингээжээ

Даваа гарагт Нью-Йоркийн Метрополитен-музейд Хувцасны хүрээлэнгийн үдэшлэг болж өнгөрлөө. Загварын ертөнцийн хамгийн чухал арга хэмжээнүүдийн нэг болох энэхүү үдэшлэгийг зохион байгуулагчид цар тахлын үеэр алдсан боломжоо нөхөх гэж энэ жил хоёр удаа үдэшлэг зохион байгуулахаар шийдсэн байна. Өнгөрсөн даваа гарагт нэгийг нь зохион байгуулсан бол тавдугаар сард уламжлал болгон зохион байгуулдаг юм.

 

Буяны үйлсэд зориулагддаг, есдүгээр сарын үдэшлэгийн сэдэв нь "Америкт: загварын үгсийн сан" нэртэй байсан бөгөөд төрөл бүрийн урсгалын загвараар оролцогчид гоёжээ.

 

Met Gala үдэшлэг өнгөрсөн онд коронавирусийн цар тахлын улмаас зохион байгуулагдаагүй юм. Даваа гарагт болсон үдэшлэг ч урьдын адил байсангүй, дотор орчинд бүх оролцогчид амны хаалт зүүх ёстой байлаа. Гэсэн ч энэ нь улаан хивсэн дээгүүр алхаж, өвөрмөц, содон хувцсаа гайхуулахад саад болсонгүй.

 

Энэ жилийн хөтлөгчөөр дуучин Билли Айлиш, теннисчин Наоми Осака, жүжигчин Тимоти Шаламе, яруу найрагч Аманда Горман нар ажиллажээ.

 

Тимоти Шаляме. Тэрбээр Хайдер Акерманы торгон хослолоор гоёжээ.
​​​​​​

 

​​​​​​ Рэпер ASAP Rocky дуучин Рианнагийн хамт 

 

Наоми Осака Louis Vuitton- ы даашинзаар гоёжээ

 

Байдены тангараг өргөх ёслол дээр шүлгээ уншиж байсан найрагч Аманда Горман Вера Вонгийн даашинзыг сонгожээ
 Blondie хамтлагийн дуучин  Дебби Харри Америкийн далбааг илэрхийлсэн даашинз өмссөн нь.

 

Рэппер Lil Nas X хааны өмсгөлтэй ирэв. Гэхдээ түүний гоёл үүгээр зогсохгүй ...
Хааны торгомсог нөмрөгөн дотроо  Versace-ийн алтлаг хувцас сонгожээ..

 

Тэр хувцсан доторх өөр нэг гоёл нь энэ. 

 

Дуучин Grimes бүхэлдээ "зэвсэглэжээ" 

 

Ким Кардашьяны гоёлыг  Демна Гвасалия бүтээсэн гэнэ

 

Кардашьян  Канье Уэсттэй хамт иржээ. 

 

Серена Уильямс  Gucci-г сонгожээ

 

Конгрессын гишүүн  Александрия Окасио-Кортес баячуудад татвар ноогдуулахыг уриалсан даашинзтайгаар үдэшлэгт оролцсон байна. 

 

Г.Бямбасүрэн

Shuud.mn
Сонин хачин