Замын-Үүдэд оройн цагаар хязгаарлалт тогтоожээ
2021-09-19 10:49

 

Дорноговь аймгийн Замын-Үүд суманд оройн цагаар хязгаарлалт тогтоожээ. Сумын Онцгой комиссын шийдвэрээр коронавируст халдварын цар тахлын хор уршгийг арилгах, эрүүл бүс болох зорилгоор сум доторх хөдөлгөөнийг 2021 оны 09 дүгээр сарын 18-ны өдрөөс эхлэн 10 хоногийн хугацаанд хязгаарлажээ. Ингэхдээ 20:00-06:00 цагийн хооронд явган зорчигч болон авто машины хөдөлгөөнд хязгаарлалт тогтоосон байна. Үүнтэй холбогдуулан Замын-Үүд сумын төрийн байгууллагын 165 алба хаагч гудамж, талбай, олон нийтийн газарт хөдөлгөөний хязгаарлалт, хорио цээрийн дэглэмийг сахиулан үүрэг гүйцэтгэж байна.

 

Эх сурвалж: Замын-Үүд сумын Засаг даргын Тамгын газар

Shuud.mn
Сонин хачин