Төсвөөс 600 тэрбум төгрөг гаргаж, тэтгэврийн зөрүүг арилгахыг шаардлаа
2021-09-22 10:47

Монголын ахмадын холбооны ерөнхийлөгч Ц.Сүхбаатар өнөөдөр тэтгэврийн зөрүүний талаар мэдээлэл хийлээ. Монгол Улсад 320 гаруй ахмад настан амьдарч байна. Тэдний ихэнх нь 2011 оноос өмнө тэтгэвэр тогтоолгосон байгаа. Тэд бага цалингаас тэтгэвэр тогтоолгож, ихэнх нь тэтгэврийн доод хэмжээ 350 мянган төгрөгөөр амьдарч байна.

 

 

Ахмадын тухай хууль болон Нийгмийн даатгалын сангаас тэтгэвэр тэтгэмж олгох тухай хуульд өндөр настны тэтгэврийг амьжиргааны өртгийн өөрчлөлт, үнэ инфляцийн өсөлттэй уялдуулан жил бүр нэмэгдүүлэх заалттай. Энэ заалт хэрэгжээгүйгээс үүдэн тэтгэврийн зөрүү жил ирэх тусам нэмэгдэж, ахмадууд хохирсоор байна.

 

Засгийн газраас тэтгэврийн зөрүүг арилгах зургаан удаагийн шийдвэр гаргасан. Гэвч төсвийн хүрэлцээгүй гэсэн шалтгаанаар бага мөнгө тавьснаар тэтгэврийн зөрүү арилахгүй байна. Сүүлийн жилүүдэд тэтгэвэр дээр 20-30 мянган төгрөг нэмсэн. Тэтгэврийн зөрүүгээр бол 100-600 мянган төгрөг нэмэх ёстой.

 

Одоо ахмадууд 350-430 мянган төгрөгийн цалин авч байна. Гэтэл улс төрийн хүрээнийхэн бүх ахмадад 500 мянган төгрөг өгөх тухай ярьж байна. Үүнийг Монголын ахмадын холбоо эсэргүүцэж байгаа. Ингэж 500 мянган төгрөгөөр тогтоовол ажилласан жил, авсан цалин, шимтгэл төлсөн хугацааны зарчим алдагдана. Олон жил хөдөлмөр эрхэлсний үр шим гарахгүй болно гэдгийг Монголын ахмадуудын холбооны ерөнхийлөгч Ц.Сүхбаатар хэлж байна.

 

Сүүлийн 10 жилд 40 гаруй мянган ахмад настан нас барсан. Ахмадууд тэтгэврийн зөрүүг арилгахыг хүлээсээр байгаад насан өөд болж байна. МАХ-ноос энэ зөрүүг арилгах хөрөнгийг шийдэж, 70-аас дээш настай ахмадуудын тэтгэврийн зөрүүг эхний ээлжинд арилгаж өгөөч гэсэн хүсэлтийг төрд удаа дараа тавьсан ч биелэхгүй өнөөдрийг хүрсэнд харамсаж байна.

 

Тэтгэврийн зөрүүг арилгахад 600 орчим тэрбум төгрөг шаардлагатай. Гэтэл ирэх оны төсөвт тэтгэврийн зөрүүг арилгах талаар хөрөнгө төсөвлөөгүй байна. Энэ хэвээр төсвийг баталбал ахмадуудын гомдол бухимдал үргэлжлэх нь. Тиймээс Ерөнхий сайд Л.Оюун-Эрдэнэ, Сангийн сайд Б.Жавхлан нарт шаардлага хүргүүлж, 2022-2023 онд 600 тэрбум төгрөг гаргаж, тэтгэврийн зөрүүг арилгахыг хүслээ. Ингэхдээ 70-аас дээш настай ахмадуудын тэтгэврийн зөрүүг 2022 оны нэгдүгээр улиралд багтаан шийдвэрлэж өгөхийг ахмадын байгууллагаас хүсч байна.

 

Б.Хэрлэн

Shuud.mn
Сонин хачин
zochin-d:
chi 30 jil ajillasan emch 1990-2000 ond tetgever togtoolgohod ter ye-n tsalin emch hyniih 600 orchim tugrug avdag byh deed bolovsroltoi hyn adil bsn.ter hanshaar ter yedee 120 tugruguur tugtoogdood jil byr jaahan jaahan nemseer odoo 350 000-g avch bgaa.tegehed 2010 ond tetgevert garsan 30 jil ajillasan emchiin tetgever odoo 1000 000 baigaa ene zuryyg gargaj uguhiig shaardaj baigaa.
2021-09-23
Зочин:
Тэтгэвэрийн зөрүүг ойлгодоггүй шдээ Ажилласан жил төлсөн татвараасаа хамаарч өөр өөр баых ёстой биздээ.
2021-09-22
zochin:
mash zuv asuudal shvv.shaardlagiig hyleej avaachee.nen dariu nuhun olgoh ch heregtei.uursduu idehdee heden ter bumaar ni idne.deer yed bid ylsdaa udur shunugyi eeljind garch ajillaj blaa.odoo emee ch avch chadahgyi haramsaltaigaar horvoog orxij duuslaa.
2021-09-22
ahmaduudiin tuluulul:
yag ynen.1990-2010 ond tetgever togtoolgoson bid mash ih hohirch bna.ter yed bas l tsalingiinhaa taliig tatvaruudad ugdug bsn.odoog hyrtel 20-25 jil guisaar hohirch haanaa ch hyrehgyi tetgevertei yavlaa.odoo em tariandaa ch hyrehgyi har tsaitai bna.yg ni zaluu nasaa ulsdaa hudulmurluj tatvar tulj ulsaa hugjyylehed gar bie oroltsoj utulsun hoinoo hyyhdeesee huihgyi amidrah estoi.olon jil yarilaa.baidaggyi.
2021-09-22