Нийслэлийн Соёл урлагийн газраас зохион байгуулж буй "Урлагийн хот Улаанбаатар" аяны хүрээнд уран бүтээлчдийн бүтээлийг нийслэлийн тодорхой байршлуудад байрлуулж, олны хүртээл болгож эхэллээ.

Аяны хүрээнд өнөөдөр Блю Скай тауэрийн урд МУЭ-ийн шагналт, МУУГЗ, Олон улсын “Норд арт” фестивалийн Гран при шагналт, уран барималч А.Очирболдын "УХАМСАР" бүтээлийг байршуулжээ.  Энэхүү бүтээл нь 5 метрийн өндөртэй юм байна. Тус бүтээлийг хэсэг хугацаанд олны хүртээл болгож, дараагийн уран бүтээлчийн бүтээлээр солих аж.