У.Хүрэлсүх: 2030 он гэхэд Монгол Улсад тэрбумаар тоологдох хэмжээний мод тарих ажлыг эхлүүлнэ
2021-09-23 10:50

Монгол Улсын Ерөнхийлөгч У.Хүрэлсүх 2021 оны 9 дүгээр сарын 22-ны өдөр НҮБ-ын Ерөнхий Ассамблейн 76 дугаар чуулганы Ерөнхий санал шүүмжлэлд үг хэллээ.

 

Тухайлбал, уур амьсгалын өөрчлөлт, цөлжилтийг сааруулах хамгийн үр ашигтай арга бол мод тарих явдал мөн гэдгийг онцолж, 2030 он гэхэд Монгол Улсад тэрбумаар тоологдох хэмжээний мод тарих хөдөлгөөнийг эхлүүлэх гэж байгааг мэдэгдлээ.

 

Монгол Улсын Ерөнхийлөгч хэлсэн үгэндээ, “Сүүлийн хэдэн арван жилд уур амьсгалын өөрчлөлт хүн төрөлхтөнд аюулын харанга дэлдэж байна. Үүний учир шалтгааныг зөв оношлох нь хорт үр дагаврыг арилгах гол арга юм. Энэ бол бид эх дэлхий, байгаль орчиндоо хоноцын сэтгэлээр хандсаны уршиг юм. Хүн төрөлхтөн хүн хүнтэйгээ зөв сайхан харьцах ёс суртахууны тухай ихэд ярьж ирсэн боловч, эх байгальтайгаа зөв харьцах талаар төдийлөн хичээсэнгүй нь өнөөдрийн байгаль экологийн гамшигт хүргэжээ.

 

Цар тахлын хөл хорионы үеэр озоны давхарга хурдан нөхөгдөж, орчны бохирдол буурах, гол ус цэнгэгших, амьтан, ургамал сэргэх зэрэг байгаль эх амсхийж, өөрийгөө нөхөн сэргээж буй эерэг өөрчлөлт түр зуур боловч ажиглагдсан. Энэ нь хүн төрөлхтөн байгаль дэлхийтэйгээ харьцах хандлагаа өөрчилж, үр дүнд хүргэх бодит алхмуудыг хийх ёстойг харуулж байна.

 

Ойн түймэр, хар салхи, үер ус, ган зудын давтамж, цар хүрээ жилээс жилд өсөн нэмэгдэж, дэлхийн өнцөг булан бүрд асар их хор хохирол учруулан гамшгийн хэмжээнд хүрч байгаа нь ч үүний бас нэгэн нотолгоо юм.

Монголчууд бид эрт үеэс эцэг тэнгэр, эх дэлхий хэмээн байгаль дэлхийгээ  дээдлэн шүтэж, уул усаа аргадан тахиж, түүнээс эрчим авч амьдарч ирсэн ард түмэн. Эцэг, өвгөд маань байгаль дэлхийн ааш араншинг ажигч гярхайгаар танин мэдэж, малын ашиг шим, хоол хүнсээ хүрээлэн буй орчин болон хүний эрүүл мэндэд ээлтэй байдлаар боловсруулан хэрэглэж ирсэн. Мод, ус, ан амьтан зэрэг хангай дэлхийн хишгийг зөвхөн өөрсдийн ахуй, хэрэгцээнд тааруулан ариг гамтай хүртэж, нөөц баялгийг хямгадан, үр хойчдоо өвлүүлдэг байв.

Дэлхийн хоёр тэрбум гаруй хүний амьжиргаанд заналхийлж буй цөлжилт болон манайд үүсээд байгаа шар шороон шуурга бидний хувьд нэн тулгамдсан асуудал болж байна. Өдгөө Монгол орны нутаг дэвсгэрийн багагүй хувь нь цөлжилт, газрын доройтолд ямар нэг хэмжээгээр өртөөд байна.

 

Монголчуудын бүтээсэн “Нүүдлийн соёл иргэншил”-ийн байгаль эхээ хүндэтгэн дээдэлж, зүй зохистой харьцах уламжлалт арга ухаанаас суралцан өнөө цагийн шинжлэх ухаан технологийн ололт, бусад улс үндэстний уламжлалт туршлагатай хослуулан уур амьсгалын өөрчлөлтийн эсрэг хамтдаа тэмцэцгээе” гэлээ.

Эх сурвалж: President.mn

Shuud.mn
Сонин хачин
Zochin:
Hutsaj soliorj odoo tsagin uniin hoorogdol hymral bolson ediin zasag ard tumnii amidarl kowidoo zohitsuulj chadahgui baij ene buhnii deeguur harj ih setgel bui ajil ni ulger met terbumaar toolodgoh mod.ene baidlaaraa bol modnoos chin tariltsah heden hun margash nogoodor sard jild kowidoor uheh toog gargawal tarih modnoos chin unen too garah bolchison gamshig bolood bgaa bishuu.kowidoor 1 hun nas barhad 333 modiin hurelsuhiin tarih modon deer nemeed baih yum bnlda.mod tsagaa bolj hamgaalj cgadwal eh delhii nemseer baih boluu modiig chin tarih hun uhseer bn hurelsuhten darga
2021-09-25
Согтуу юм уу???:
1 тэрбум мод гэдэг 1,000,000,000. Yүнийг 3 сая хүндээ хуваахаар хүн бүр 333 мод тарих юм бна. Та нар бэлэн үү? Гол нь тарихдаа биш арчилж тордохдоо шүү дээ. 10 жилийн дараа Богд уул халцгай болж, бусад газар нь хатсан модны оршуулга болох юм бна л даа!
2021-09-23
KKKK:
Элэг авлаа
2021-09-23
Зочин:
Хамгийн эхлээд малын тоо толгойг цөөллөх хэрэгтэй.
2021-09-23
Зочин:
Хамгийн эхлээд малын тоо толгойг цөөллөх хэрэгтэй.
2021-09-23
Зочин:
kkkkkk
2021-09-23