Г.Занданшатар: Монголын ард түмэн Энэтхэг улсыг Бурханы орон хэмээн хүндэтгэж ирсэн УИХ-ын хүндэтгэлийн хуралдаан Хархорин суманд болно БНСУ-ын ЭСЯ-наас охины асуудалд онцгой анхаарахыг хүслээ Д.Хаянхярвааг 40 сая төгрөгөөр торгож, нийтийн албанд томилогдох эрхийг таван жилээр хаслаа Монгол Цахиурын хөндийг байгуулах, коксжих нүүрсээ Энэтхэгт экспортлох санал тавилаа Консул Ц.Өнөрзаяа: Цаашид хохирогч охины асуудалд анхаарал хандуулж ажиллана ТББХ: Төрийн албаны зөвлөлийн орон тооны гишүүний үүрэгт ажлаас чөлөөлөх тогтоолын төслийг дэмжлээ БНХАУ: Хятадын эсрэг аймшигт дайн дэгдээж байсан Япон Тайванийн талаар мэдэгдэх эрхгүй Шадар сайд С.Амарсайхан аймгийн Засаг дарга нарт үүрэг өглөө Баян-Өлгий, Увс, Ховд, Төв аймгийн нутгийн зарим хэсэгт зудын эрсдэл их байна
ОСЛО-2021: Эмэгтэй баг гуравт, эрэгтэй баг зургадугаар байранд шалгарлаа 
2021-10-08 10:14

 

Чөлөөт, сонгомол бөхийн ДАШТ Норвегийн Осло хотноо үргэлжилж байна. Эхний өдрүүдэд эрэгтэй, эмэгтэй чөлөөт бөхийн тэмцээнүүд явагдахад манай эрчүүд хоёр хүрэл, эмэгтэйчүүд дөрвөн хүрэл медаль хүртэв. Ингэснээр эрэгтэй баг нийлбэр дүнгээр зургаад, эмэгтэй баг гуравт жагсаж, ирэх жилийн Дэлхийн цомд оролцох эрхтэй боллоо. 

 

Эрчүүдээс 65 кг-д зодоглосон Т.Тулга хүрэл медаль зүүж, дэлхийн медальтны тоог нэгээр нэмсэн. Түүнчлэн олимпын тавдугаар байрын шагналт М.Лхагвагэрэл монгол бөхчүүдээс анх удаа хамгийн хүнд жинд медалийн тавцанд зогссон юм.

 

Тэгвэл эмэгтэйчүүдээс 20 настай залуу тамирчин Д.Отгонжаргал хамгийн хөнгөн жин 50 кг-д дэлхийгээс анхны медалиа авсан бол 57 кг-д ОУХМ Э.Даваачимэг мөн л дэлхийн аваргаас анхны медалиа авав. Түүнчлэн 59 кг-д хүч сорьсон Б.Шоовдор сүүлийн дөрвөн жил дараалан медалийн төлөө барилдаж, гурав дахь хүрэл медалиа авлаа.

 

Мөн 62 кг-ын Э.Гантуяа дэлхийн аваргын анхны хүрэл медалиа авснаар бүсгүйчүүд багаараа гуравт орсон юм. Манай охид 2013 оны ДАШТ-д багийн дүнгээр аман хүзүүдсэнээс хойш анх удаа шагналын тавцанд гарсан нь энэ байлаа. Ер нь манай эмэгтэй баг энэ жил онцгой байна. Өнгөрсөн гуравдугаар сард тэд Азийн АШТ-д түүхэндээ анх удаа багийн дүнгээр тэргүүлсэн бол олимпод дөрөвт орсон. Харин энэ удаа дэлхийн гуравт эрэмбэлэгдэв.

 

Энэ удаагийн багийн 50 хувь нь анхны ДАШТ-дээ оролцсон бөгөөд таван бөх анх удаа дэлхийгээс медаль авчрав. Анхны медальтнууд бүгд олимпын жингийнх байсан нь медалийн үнэ цэнийг улам ихэсгэж байна. Нийт 20 тамирчин улсаа төлөөлөн зодоглосноос ес нь медалийн төлөө барилдаж, өөр хоёр бөх шагналт байрт шалгарсан гээд манай бөхчүүд энэ удаагийн ДАШТ-д үнэхээр сайн оролцлоо.

 

Эрэгтэй багийн дүн

  • ОХУ 173

  • АНУ 168

  • Иран 162

  • Гүрж 68

  • Турк 58

  • МОНГОЛ 56

  • Беларусь 45

  • Азербайжан 42

 

Эмэгтэй багийн дүн

  • Япон 196

  • АНУ 147

  • МОНГОЛ 78

  • Украин 73

  • Энэтхэг 67

  • Кыргызстан 65

  • ОХУ 64

  • Болгар 49

 

Эх сурвалж: МҮОХ 

Shuud.mn
Сонин хачин
mundag l geye dee ,
2021-10-08
chi ch bukhiig oilgodogguy ork bayna daa
2021-10-08
Эмэгтэйчүүдэд баяр хүргэе! Эрчүүд ичээсэй!!!
2021-10-08
chi ch bukhiig oilgodogguy ork bayna daa