Налайх дүүргийн зургаадугаар хороонд байрлах Тэнгэрийн энерги бясалгалын төвөөс 2020 оны 07 дугаар сарын 31-ний өдөр 25 настай О гэх эмэгтэй сураггүй алга болсон хэрэг гарсан билээ. Түүнийг улс орон даяар эрэн хайсан ч олоогүй.

Тэгвэл өчигдөр буюу 10 дугаар сарын 11-ний өдөр нэгэн иргэнээс нүхэн жорлонд эмэгтэй хүний цогцос байна гэсэн дуудлага иржээ. Мэдээллийн дагуу цагдаагийн албан хаагчид ажиллаж, урьдчилсан байдлаар сураггүй алга болсон О болохыг тогтоожээ. Цагдаагийн байгууллага хэргийг үргэлжлүүлэн шалгаж буй бөгөөд нарийн шинжилгээгээр үхлийн шалтгааныг эцэслэн тогтооно.

Б.Хэрлэн