П.Баярхүү: Улстөрчид тээвэрчдийн цуглаанаас хол байгаарай, бид зовлонгоо зарахгүй
2021-10-13 10:59

Нүүрс тээврийн 300 жолооч Өмнөговь аймгийн Цагаан хаданд зам хааж, Улаанбаатар хотод төв талбайд эсэргүүцлийн цуглаан хийж байна. Тэд Ерөнхийлөгч, Ерөнхий сайдад шаардлага хүргүүлж, тээвэрчдийн эрүүл мэндийг хамгаалж, ажлын байрыг хадгалахыг шаардаж байна.

 

 

Өнөөдөр өглөө нүүрс тээврийн шалаанз машиныг Сүхбаатарын талбайд оруулж, эсэргүүцлээ илэрхийлсэн. Төв талбайд тээврийн хэрэгсэл оруулсан дөрвөн жолоочийг цагдаагийн байгууллагаас саатуулж, тайлбар мэдүүлэг авсан байна. Энэ талаар "Баянзам тээвэрчдийн холбоо" ТББ-ын удирдах зөвлөлийн дарга П.Баярхүү “Жолооч нарыг суллахгүй бол улстөрчдийг дууриагаад цагдаагийн гадаа очно” хэмээн мэдэгдэж байна.

 

Мөн тэрбээр “Тээвэрчдийн эсэргүүцлийн цуглаанаас улстөрчид хол байгаарай. Бид зовлонгоо зарахгүй. Энд ирж баатар болон тодрох хэрэггүй. Монголыг хорлож байгаа хамгийн заваан зүйл бол улстөрчид. Та нарын хуйвалдаанаас болж, хөдөлмөрлөж байгаа хүмүүс гуйлгачин, тэмцэгч боллоо. Одоо болиоч ээ. Цагаан хад дарга нарын диваажин, жолооч нарын там болсон газраа төр зохицуулж чадахгүй бол хилээ хаагаач ээ” хэмээн бухимдлаа илэрхийлж байна.

 

Тээвэрчид Гашуунсухайтад үүсээд буй нөхцөл байдлыг төр оролцож шийдвэрлэх, Чойрын тээврийг зогсоосон ЗТХ-ийн сайд Л.Халтарын шийдвэрийг цуцлах, Засгийн газар ээлжит бусаар хуралдаж экспортын тээврийн асуудлыг яаралтай шийдвэрлэх гэсэн шаардлагуудыг тавьж байна. Шаардлагын хариуг өнөөдрийн 14.00 цагт багтааж өгөхгүй бол тээвэрчдийн тэмцэл цааш үргэлжилнэ гэдгийг хэлж байна.

 

Б.Хэрлэн

Shuud.mn
Сонин хачин
зочин:
Энэ еронхий сайдаа халтар сайдыг зайлуулаад энэ жолооч нарыг зугээр л ажлыг нь хийлгээчээ ингэж зовоогоод яах вэ дээ ард тумэн тэмцэхэд ойрхон бна шуу дээ амьдрал маш хунд боллоо бас шатахууны унэ нэмэх сураг бна шуу дээ болье
2021-10-13
zochin:
luivraar bayjsan Choijilsuren chaana neg buzar schhuu
2021-10-13
zochin:
luivraar bayjsan Choijilsuren chaana neg buzar schhuu
2021-10-13
монгол:
халтар сайдын шийдэрийг дэмжиж байна
2021-10-13
Орос буруутай!! Путин буруутай!! Жэнкод vvрэг егч темер зам тавиулахгvй гацааж хорлосон Путинг огцруулах хэрэгтэй.
2021-10-13
Нүүрс тээврийн ард Улстөрчид нэр бүхий УИХГ байдаг загалмайлсан эцэг нь Ц.Нямдорж, Чойжилсүрэн нар шүү
2021-10-13