Украины Ерөнхийлөгч оффшор данстай гэдгээ хүлээн зөвшөөрөв
2021-10-18 10:32

Украины Ерөнхийлөгч Владимир Зеленский өөрийг нь оффшор данстай гэж дурдсан "Пандорагийн баримт"-ын талаар тайлбарласныг Регнум агентлаг дамжуулжээ. 


 

Зеленскийн өгүүлснээр энэ баримтад шинэ зүйл огт байхгүй гэнэ. Энэ мэдээллийг сонгуулийн өмнөх кампанит ажлын үеэр Петр Порошенко ч ашиглах гэж оролдсон талаар Зеленский онцолжээ.

 

"2019 оноос өмнө миний хийж байсан бүхнийг бүгд мэднэ. Энэ бол телевиз, кино. Януковичийг Ерөнхийлөгч болж байх үед бизнесийн бүтцүүд өөрчлөгдсөн. Ялангуяа телевиз, хэвлэл мэдээлэлтэй холбоотой бизнес. Бүхий л сувгууд хилийн чанад дахь компанитай байлаа. Яагаад вэ гэж үү? Яагаад гэвэл улс төрийн нөлөөгүйгээр ажиллах боломж нь энэ л байсан юм" хэмээн Зеленский мэдэгдсэн байна.

 

Аравдугаар сарын гуравны өдөр Олон улсын эрэн сурвалжлагчдын консорциум дэлхийн улс төрчид болон алдартай хүмүүсийн оффшор дансны талаарх мэдээллийг гаргасан юм. Энэ баримтад Украины Ерөнхийлөгч Владимир Зеленский болон түүний хамтран зүтгэгчид олигарх Игорь Коломойскийтэй холбоотой газраас 40 сая ам.доллар шилжүүлсэн хэрэгт холбоотой байж мэднэ гэж өгүүлжээ.

 

Г.Бямбасүрэн

Shuud.mn
Сонин хачин
бөбө:
Манайх оффшор бүс болъёоо. Харин барууны эзэд зөвшөөрөх нь гүй юу. Өөрсдөө оффшор данс зөвгөөрчөөд монголчуудыг тероризм нтр гээд зөвшөөрөхгүй дээ.
2021-10-18