Япон Хойд Солонгост эсэргүүцэл илэрхийллээ
2021-10-19 11:46

Японы Ерөнхий сайд Фумио Кисида баллистик пуужингууд байж болзошгүй сум БНАСАУ харвасан гэж мэдэгджээ. Түүний өгүүлснээр, одоогоор Хойд Солонгосын энэ үйлдлээс болж хохирол гарсан, хүн гэмтсэн талаарх мэдээлэл байхгүй гэнэ. Энэ үйл явдалтай холбоотойгоор Япон улс БНАСАУ-д эсэргүүцэл илэрхийлсэн гэж Японы Сайд нарын танхимын Ерөнхий нарийн бичгийн дарга Ёсихико Исозаки мэдэгджээ. 

 

"Энэ үйлдэл нь НҮБ-ын Аюулгүйн зөвлөлийн тогтоолыг зөрчсөн хэрэг. Нэн харамсалтай. Үүнтэй холбоотойгоор бид дипломат сувгаар эсэргүүцэл илэрхийлсэн" хэмээн Ёсихико Исозаки мэдэгджээ.

 

Тэрбээр 10 дугаар сарын 19-ний мягмар гарагт Хойд Солонгос үл мэдэгдэх сум харвасны дараа зохион байгуулсан хэвлэлийн бага хурлын үеэр ийм мэдэгдэл хийсэн гэж ТАСС агентлаг мэдээлсэн байна. Мөн Японы Ерөнхий сайд Кисида БНАСАУ есдүгээр сараас хойш пуужин хөөрөгж байгаа нь харамсалтай хэрэг хэмээсэн байна.

 

Г.Бямбасүрэн

Shuud.mn
Сонин хачин