Д.Хаянхярвааг 40 сая төгрөгөөр торгож, нийтийн албанд томилогдох эрхийг таван жилээр хаслаа Монгол Цахиурын хөндийг байгуулах, коксжих нүүрсээ Энэтхэгт экспортлох санал тавилаа Консул Ц.Өнөрзаяа: Цаашид хохирогч охины асуудалд анхаарал хандуулж ажиллана ТББХ: Төрийн албаны зөвлөлийн орон тооны гишүүний үүрэгт ажлаас чөлөөлөх тогтоолын төслийг дэмжлээ БНХАУ: Хятадын эсрэг аймшигт дайн дэгдээж байсан Япон Тайванийн талаар мэдэгдэх эрхгүй Шадар сайд С.Амарсайхан аймгийн Засаг дарга нарт үүрэг өглөө Баян-Өлгий, Увс, Ховд, Төв аймгийн нутгийн зарим хэсэгт зудын эрсдэл их байна Орост халдлага үйлдэх гэж байсан Украины тагнуулчдыг баривчилжээ "Омикрон" эмнэлэг шинэ штаммын нэрийг өөрчлөхийг шаардан шүүхэд ханджээ Охиныг зодсон 4 хүүхдийн 2 нь шийтгэлгүй үлдэж, 2 нь тусгаарлагджээ
Хятадад нүүрсний үнэ дахин дээд үзүүлэлт тогтоов
2021-10-20 08:30

Мягмар гарагт Хятад дахь нүүрсний үнэ дахин дээд амжилт тогтоосон талаар Блүмберг агентлаг мэдээлжээ. 

 

Эх сурвалжийн мэдээлснээр, 10 дугаар сарын 19-ний мягмар гарагт Жэнжоу түүхий эдийн бирж дээр зах зээл хаагдах үед эрчим хүчний нүүрсний фьючерс үнэ нэг тонн нь 1835,6 юань хүрсэн нь өмнөх өдрийн арилжаанаас 0,4 хувиар өссөн үзүүлэлт юм байна. Эрчим хүчний нүүрсний үнэ ийнхүү долоо дахь удаагаа нэмэгдэж байгаа бөгөөд есдүгээр сар гарснаас хойш үнэ нь гуравны нэгээр нэмэгджээ. 

 

Нүүрсний үнэ өсөхөд эрчим хүчний хямрал нүүрлэсэн Хятадын зарим мужуудад эрс хүйтэрсэн нь нөлөөлсөн аж. Хятадын дорнод мужуудад цаг агаар хүйтэрсний улмаас энэ онд халаалтын улирлыг эрт эхлүүлэх шаардлагатай болж улмаар нүүрсний эрэлтийг нэмэгдүүлжээ.

 

"Нүүрсний үнэ цаашид ч өснө. Учир нь Хятадад халаалтын улирал эхлэх дөхөж байна, харин нүүрсний нөөц хангалтгүй байгаа" хэмээн Daiwa Capital Markets-ийн шинжээч  Деннис Ип өгүүлсэн байна.

 

Хятадын эрх баригчид орон нутгийн нүүрсний уурхайнуудыг нүүрс олборлолтоо нэмэгдүүлэхийг үүрэг болгосон бөгөөд халаалтад зориулж хангалттай хэмжээний нөөцтэй байхын тулд эрчим хүч ихээр хэрэглэдэг байгууллагуудад эрчим хүчний нийлүүлэлтийг хязгаарлалттайгаар хийх бодлогоо цаашид ч баримтлахаар төлөвлөж байгаа гэнэ.

 

Г.Бямбасүрэн

Shuud.mn
Сонин хачин