Талибууд Оросоос вакцин авахаар сонирхож байна
Афганистаны шинэ засгийн газрыг бүрдүүлсэн "Талибан" хөдөлгөөн коронавирусийн халдвараас сэргийлэх Орос вакцин авахаар сонирхож байгаа гэнэ.
"Бид Оросоос төдийгүй бусад орноос вакцин хүлээн авах сонирхолтой байгаа" хэмээн Афганистаны түр засгийн газрын Эрүүл мэндийн сайд Каландар Ибад ТАСС агентлагт мэдэгджээ.
Энд дуулгахад, 10 дугаар сарын 21-ний өдөр "Талибан" хөдөлгөөний төлөөлөгчид Москва хотод ирж, ОХУ-ын Гадаад хэргийн яамны төлөөлөгчидтэй зөвлөлдсөн юм. Тухайн үед талибуудын төлөөлөгч өнөөгийн засгийн газар нь эцсийнх биш, Афганистанд өөрчлөлт шинэчлэлт явагдаж, Засгийн газрын бүтэц өөрчлөгдөнө хэмээн мэдэгдэж байлаа.
Г.Бямбасүрэн
СЭТГЭГДЭЛ БИЧИХ