Эрхүүгийн байгаль хамгаалагчид Оросын анхны хог хаягдлын цахим супермаркетыг нээжээ. Энд Байгал нуурын эрэг дээрээс түүсэн шар айрагны лааз, чихрийн сав, хуучин зай зэрэг хаягдлууд зарагдаж байгаа талаар Регнум агентлаг мэдээлсэн байна. 

"Миний Байгал" байгууллагын гадаад харилцааны хэлтсийн дарга Полина Кайзерын өгүүлснээр, хог хаягдал зарна гэдэг нь хүмүүст бодитоор хог хүргэж өгнө гэсэн үг биш хэмээн тайлбарлажээ. Эдгээр хогийг хэдийнэ хуримтлуулан, ангилан ялгаад хэсэгчлэн боловсруулж, заримыг нь устгаөлд оруулсан гэнэ. 

"Хог хаягдлыг энэ дэлгүүрээс худалдан авах гэдэг нь манай байгууллагад сайн дураар хандив өргөж байгаа хэрэг юм" хэмээн Полина Кайзер өгүүлжээ. Энэ хандиваас бүрдсэн хөрөнгийг байгаль хамгаалах төрөл бүрийн арга хэмжээнд зарцуулах аж. 

Энэ дэлгүүр нээгдсэн эхний өдрөө ойролцоогоор 15 мянган рубль (shuud.mn: монгол мөнгөөр 550 мянган төгрөг) цугларчээ. Гэхдээ энд "зарагдаж буй" хог хаягдлууд тийм ч хямд биш. Шар айрагны лааз 900 рубль, живх 500 рубль, харин хаягдал сойз 400 рублийн үнэтэй гэнэ. Энэ үнийг тухайн хаягдал байгальд учруулах хор нөлөөнөөс хамааран тогтоожээ. Байгальд хамгийн хортой хаягдал нь зай бөгөөд тиймдээ ч хог хаягдлын дэлгүүрт 10 мянган рублиэр зарагдаж байна.

Г.Бямбасүрэн