“Өвлийн идэш” өргөтгөсөн худалдаа пүрэв гаригаас эхэлнэ
2021-11-23

Нийслэлийн хүн амын хүнсний хэрэгцээнд зориулан махны нийлүүлэлтийг нэмэгдүүлэх зорилгоор “Өвлийн идэш 2021” өргөтгөсөн худалдааг энэ сарын 25-наас 12-р сарын 2-ны өдрийг дуустал Төв цэнгэлдэх хүрээлэнд зохион байгуулна. 

 

 

Энэхүү арга хэмжээний үеэр орон нутгаас бэлтгэсэн, гарал үүсэл нь баталгаатай эрүүл малын мах, сүү, цагаан идээг борлуулахаас гадна шинэ ургацын улаанбуудайн гурил, цагаан будаа, ургамлын тос зэрэг хүнсний гол нэрийн бүтээгдэхүүнийг бөөний үнээр худалдаалах юм.

 

Мөн нийслэлийн иргэдийн цагийг хэмнэх үүднээс Монгол шуудан компанийн хүргэлтийн үйлчилгээг санал болгож байна. Тодруулбал, тус компанийн үйлчилгээг ашиглан өвлийн идшээ орон нутгаас Төв цэнгэлдэх хүрээлэн хүртэл хүргүүлэн авах боломжтой юм.

 

“Өвлийн идэш 2021” арга хэмжээг Хүнс, хөдөө аж ахуй, хөнгөн үйлдвэрийн яам, Улаанбаатар хотын захирагчийн ажлын алба, орон нутгийн удирдлага, Хүнс, хөдөө аж ахуйн газар хамтран зохион байгуулж байна.

Shuud.mn
Сонин хачин
За монгол шуудангаар хүргүүлээд яах вэ боль
2021-11-24
irgen:
zuv.darga nar shig olon maltai idesh gej zovohgyi bish.bidnii amidrald heregtei ajil zohion baiguulsand bayarlalaa.
2021-11-23