Засгийн газрын өнөөдрийн хуралдаанаар хэлэлцсэн асуудлын талаар мэдээлэл өглөө. Мэдээллийн эхэнд коронавирусийн халдварын нөхцөл байдлыг мэдээлэв. Өнөөдрийн байдлаар халдварын тохиолдол 26 хувиар буураад байна. Энэ дархлаажуулалттай холбоотой бөгөөд нийт хүн амын 18 хувь, зорилтот бүлгийн 28 хувь вакцины III тунд хамрагдаад байна.
Засгийн газар зорилтот бүлгийн иргэдийн 50 хувь нь вакцины III тунд хамрагдвал өндөржүүлсэн бэлэн байдлын зэрэглэлийг улбар шараас шар түвшинд бууруулахаа мэдэгдсэн. Ерөнхий сайд Л.Оюун-Эрдэнэ өнөөдөр вакцины хамрагдалт 50 хувьд хүрэхэд бүх шатны боловсролын байгууллагын хичээлийг 100 хувь танхимд шилжүүлэх чиглэлийг өгсөн байна. Мөн 2-3 настнуудыг цэцэрлэгт хамруулах юм байна.
УОК-ын Нарийн бичгийн дарга Т.Баярхүү: Өндөржүүлсэн бэлэн байдлын шар түвшинд шилжсэнээр аж ахуйн нэгж, байгууллагуудад тавьсан хязгаарлалтуудыг сулруулна. Тухайлбал, танхимын дүүргэлтэд хязгаарлалт тавихгүй. Мөн хариуцлагын гэрээний хатуу заалтуудыг зөөлрүүлж, зарим тохиолдолд гэрээ байгуулахгүй. Энэ зохицуулалтыг ирэх долоо хоногийн Засгийн газрын хуралдаанд танилцуулна.
Уншиж байна |