Францын кино найруулагч Жон-Фронсуа Кастэлл Монгол хөөмийн тухай хоёр дахь бүтээл болох "Хөөмийгөөр Аялахуй" нэрт баримтат киногоо гаргажээ. Түүний кино нь Энэтхэг улсад болсон Олон Улсын Ардын Билгийн Нила Кино фестивалиас "Шилдэг урт хэмжээний баримтат кино"-оор шалгарч, Хар Гал шагнал хүртсэн байна.

Тус кинонд Монгол хөөмийг өвлөн уламжлагч, судлан таниулагч нарын хоорондын хүнлэг үйлс, дуу хөгжмийн болоод эрдэм судлалын аялал болон даяарчлал дахь соёл хоорондын харилцааны тухай өгүүлдэг аж.

Монгол судлалыг  хөгжүүлэхэд болон Монголын өв соёлыг түгээн дэлгэрүүлэхэд оруулж буй үнэтэй  хувь нэмрийг нь үнэлж, Угсаатны хөгжим судлалын Доктор, Монгол хөөмий судлаач Жоанни Кюртэг Монгол Улсын Ерөнхийлөгч У.Хүрэлсүхийн зарлигаар төрийн “Найрамдал” медалиар шагнажээ.