Америкийн Нью-Йорк мужид омикрон штаммын халдварын таван тохиолдол бүртгэгджээ. Энэ талаар тус мужийн захирагч Кэти Хокул Твиттер хуудсаараа дамжуулан мэдээлсэн байна. 

"Нью-Йорк мужид омикрон штаммын таван тохиолдол батлагдлаа" хэмээн тэрбээр бичсэн ч энэ мэдээллийг хэт их түгшин хүлээн авахгүй байхыг оршин суугчиддаа уриалсан байна. "Энэ хувилбар орж ирнэ гэдгийг мэдэж байсан, мөн халдварын тархалтыг зогсоох арга бидэнд бий" хэмээн Кэти Хокул мэдэгджээ.

Өмнө нь Нью-Йоркийн эрх баригчид омикрон штамм хотод хэдийнэ тархсан гэж таамаглаж байсан юм. Учир нь Миннесота мужид омикрон штаммын халдвартай нь батлагдсан хүн Нью-Йоркод хуралд оролцсон байжээ.

Нью-Йоркод омикрон штаммын анхны тохиолдол 12 дугаар сарын нэгний өдөр бүртгэгдсэн. Америкийн эрх баригчдын мэдэгдсэнээр, халдвар авсан хүн Өмнөд Африкаас ирсэн бөгөөд вакцины бүрэн тунд хамрагдсан байжээ.

Г.Бямбасүрэн