АНУ-ын 50 мужийн 15-д нь омикрон штаммын халдвар бүртгэгдсэн талаар тус улсын Өвчний хяналт, урьдчилан сэргийлэх төвийн тэргүүн Рошель Валенски мэдэгдсэнийг АВС телевиз дамжуулжээ. 

"Үнэхээр л манайд хурдацтай тархдаг омикрон олон бүртгэгдсэн. Өчигдөр оройн байдлаар гэхэд л 15 мужид энэ штаммын халдвар илэрсэн байна. Өдөр бүр л шинэ тохиолдлуудын талаар сонсож байна, халдварын тоо цаашид өсөх байх" хэмээн Валенски өгүүлжээ.

Түүний өгүүлснээр, АНУ-д өдгөө тархаж буй халдварын 99,9 хувь нь дельта штаммаар үүсгэгдсэн бөгөөд одоогоор энэ нь гол асуудал болж байгаа гэнэ. 

Г.Бямбасүрэн