Архангай аймагт өнөөдөр 3.9 магнитудын хүчтэй газар хөдлөлт боллоо. Тодруулбал, Архангай аймгийн Ихтамир сумын Хөх нуур багийн “Урд гол” гэдэг газар 12.10-ны өдрийн 06:39 цагт 3.9 магнитудын хүчтэй газар хөдлөлт болсон тухай мэдээллийг ООГХ-ээс 06:45 цагт цахим шуудангаар ирүүлсэн байна.

Тус аймгийн Онцгой байдлын газраар дамжуулан тус сумын Засаг даргын Тамгын газрын даргаас тодруулахад иргэдэд чичирхийлэл мэдрэгдээгүй бөгөөд учирсан хохиролгүй тухай мэдээлсэн.