Манай улсад байгаль орчны тухай асуудал сүүлийн байранд орж байна
2021-12-14 12:06

 

Монголын Байгаль Орчны Иргэний Зөвлөл ТББ-ын Удирдах зөвлөлийн шинэ гишүүд цаг үеийн асуудлаар мэдээлэл хийлээ.

 

Монголын Байгаль Орчны Иргэний Зөвлөл ТББ-ын Тэргүүн С.Амгаланбаатар “Дэлхий даяар байгалийн нөөцийн хуваарилалт, зохист хэрэглээний тухай асуудал энэ тэргүүний асуудал болжээ. Улс орнууд эдийн засгийн хөгжил үйлдвэржилтийн бодлогоо экологийн баримжаатай болгож байгаль орчноо багахан хор хохиролтой байлгах талаар бодлого боловсруулж, анхаарч технологийн дэвшил ашигладаг болсон байна. Гэтэл манай улсад байгаль орчны тухай асуудал айлын шоовдор хүүхэд шиг адгын байранд орж байна.

 

Сүүлийн 70 жил Монгол Улсын уур амьсгал хурдацтай өөрчлөгдөж байна. Монгол орны газар нутгийн 80 гаруй хувь нь ямар нэг хэмжээгээр цөлжилтөнд өртөж газрын доройтолд орсон байдаг юм байна. Монгол Улсаас гаралтай гэдэг шар шороон шуурга олон улсын иргэдийн амьдралд хор хохирол учруулсан. Шар шуурга 40 жилийн өмнө 2-9 гэсэн давтамжтай байсан байна. Өнөөдөр 50 гэсэн  гамшгийн тоонд хүрчээ.

 

М.Насан 

Shuud.mn
Сонин хачин