Японд хоолны амт дамжуулдаг дэлгэц бүтээжээ
Японы Мэйзи их сургуулийн эрдэмтэн Хомей Мишията оюутнуудынхаа хамтаар нэгэн өвөрмөц зурагтын дэлгэцний анхдагч хувилбарыг бүтээжээ. Энэ дэлгэц нь хоол хүнсний амтыг мэдрүүлэх бөгөөд Taste the TV буюу "Зурагтыг амтлаад үз" гэдэг нэртэй талаар Guardian мэдээлсэн байна.
Төхөөрөмжийн дотор талд аливаа хоолны амтыг бий болгоход зориулсан онцгой хослол бүхий амтат нэмэлтүүд бүхий 10 сав байрлуулжээ. Амны энэхүү дээж нь үзэгчид түүнийг мэдрэхэд зориулж зурагтын хавтгай дэлгэц дээрх хальсанд дамжуулагдах аж.
Коронавирусийн цар тахлын эринд ийм технологиуд нь хүмүүс гадаад ертөнцтэй холбогдох харицлаа холбооны аргуудыг сайжруулж чадна гэдэгт Мияшита итгэлтэй байгаа гэнэ. Түүний өгүүлснээр, дэлхийн нөгөө өнцөгт байгаа зоогийн газрын хоолыг гэрээсээ амталж үзэх боломжийг олгоход энэ технологийн гол зорилт орших гэнэ.
Энэ бүтээлийг гаргахад оролцсон оюутан Юки Хоу сэтгүүлчдийн өмнө дэлгэцийг туршин үзүүлсэн байна. Тэрбээр дэлгэцэнд ойртон шоколад амтлахыг хүсэж байгаагаа хэлэхэд автомат хоолой хүсэлтийг давтан хэлээд, дэлгэц рүү амтны дээжийг хүргэжээ.
Г.Бямбасүрэн
СЭТГЭГДЭЛ БИЧИХ