Поп дива дуучин С.Наран МУГЖ боллоо. Түүнд гавьяатын цол тэмдгийг Ерөнхийлөгч У.Хүрэлсүх гардууллаа. Шагнал гардсаны дараа тэрбээр “Их өөр мэдрэмж юм байна. Бүх зүйлд чин сэтгэлээсээ хандаж, маш хариуцлагатай сайн ажиллах ёстой. Улам ихийг хийж, зөв үлгэр дууриаллыг улам их үзүүлэх ёстой юм байна.

Миний дууг сонсдог, намайг хайрладаг бүх хүмүүст чин сэтгэлээсээ талархъя. Залуу үед зөв үлгэр дууриал үзүүлэхийг чин сэтгэлээсээ хүсэж байна" хэмээн баярын сэтгэгдлээ хуваалцлаа.