Путин: Оросын эсрэг шинээр хориг тавьбал АНУ-аас харилцаагаа тасална
2021-12-31 10:00

АНУ, ОХУ-ын төрийн тэргүүнүүд 12 дугаар сарын 30-нд Москвагийн цагаар 11.30 цагт утсаар ярилаа. Тэдний яриа үр дүнтэй болж өнгөрсөн гэж талууд мэдэгдсэн байна. 

 

Энэа утасны яриа сэтгүүлчдэд хаалттай болж өнгөрсөн юм. Хэлэлцээрийн дараа Оросын Ерөнхийлөгчийн туслах Юрий Ушаков сэтгүүлчдэд мэдэгдэл хийхдээ Оросын эсрэг шинээр "байж болшгүй" хориг арга хэмжээ тавьсан тохиолдолд хоёр орны харилцааг таслахад хүргэнэ гэж Путин Байденд анхааруулсныг онцолсон байна.

 

Жо Байден Украинд цохилт өгөх довтолгооны зэвсэглэл байрлуулахгүй гэдгээ амласны дээр, цөмийн дайныг өдөөхгүй байхын чухлыг онцолжээ. Түүнчлэн хоёр орны төрийн тэргүүн шинэ он гарсны дараа хэлэлцээрээ үргэлжлүүлэхээр тохиролцсон байна.

 

ОХУ-ын Ерөнхийлөгчийн туслах Ушаковын өгүүлснээр, стратегийн аюулгүй байдлын баталгаатай холбоотой Москвагийн саналуудын үндсэн зарчмуудыг тодорхой өгүүлсэн гэнэ. Оросын хувьд "үр дүн чухал", Оросын эрх баригчид "үр дүнд хүрнэ" гэж Ушаков цохон тэмдэглэжээ.

 

"АНУ-ын Ерөнхийлөгч ч мөн энэ байр суурьтай санал нэгдэж байгаагаа илэрхийлсэн. Европт төдийгүй дэлхийн бусад цэгүүдэд ч энх тайван, аюулгүй байдлыг хангах хүчин чармайлтад Орос, АНУ гол үүрэг гүйцэтгэх ёстойг Байден цохон тэмдэглэсэн юм" хэмээн Ушаков мэдэгдсэнийг Регнум агентлаг дамжуулжээ.

 

Утсаар ярилцах үеэр Жо Байден Украины хилийн дагуу хурцадмал байдал үргэлжилвэл Барууны орнууд Оросын эсрэг "эдийн засаг, санхүү, цэргийн салбарт өргөн цар хүрээтэй хориг арга хэмжээнүүдийг тавина" гэж онцолсон байна.

 

"Энэ дурдсан, хориг арга хэмжээнүүдээ Барууны орнууд манай эсрэг тавихаар шийдвэл энэ нь манай хоёр орны хоорондын харилцааг бүрэн таслахын дээр Орос, Барууны харилцаанд ноцтой хохирол учруулна гэдгийг Ерөнхийлөгч анхааруулсан" хэмээн ОХУ-ын Ерөнхийлөгч Владимир Путиний туслах Ушаков мэдэгджээ.

 

Хэдийгээр ийм нухацтай мэдэгдлүүдийг харилцан хийсэн ч хоёр орны төрийн тэргүүний хэлэлцээ "нээлттэй, өргөн цар хүрээтэй болж өнгөрсөн" хэмээн Юрий Ушаков  мэдэгджээ. Байден, Путин нар 50 минутийн хугацаанд утсаар ярьсан байна. Энэ утасны яриа Москвагийн санаачилгаар болсон бөгөөд нэгдүгээр сарын 10-ны өдөр дахин утсаар хэлэлцээ хийхээр тохиролцжээ. 

 

Өмнөх уулзалтын талаар 

Зөвхөн энэ сард гэхэд л АНУ, Оросын төрийн тэргүүнүүд хоёр дахиа хэлэлцээ хийсэн нь энэ юм. Өмнө нь 12 дугаар сарын долооны өдөр тэд цахим уулзалт хийж байлаа. Тухайн үед тэдний ярианы гол сэдэв нь Украины хилийн орчимд Оросын цэргүүд байрласан, Барууны орнууд Орос Украин руу халдаж болзошгүйд санаа зовниж байгаатай холбоотой байв.

 

Уулзалтын үеэр Украины хилийн орчимд Оросын цэргүүд олноор байрласантай холбоотой нөхцөл байдалд АНУ санаа зовниж байгааг Байден илэрхийлж байсан юм. Түүнчлэн энэ удаад хориг арга хэмжээний талаар сануулсан шигээ өмнө нь ч энэ талаар анхааруулж байлаа. Тодруулбал, Украиныг тойрон Орос улс цэргүүдээ байршуулсантай холбоотойгоор АНУ болон Европын холбоотнууд санаа зовниж байгааг Байден илэрхийлээд АНУ болон манай холбоотнууд нөхцөл байдал хурцадвал эдийн засгийн болоод бусад шийдэмгий арга хэмжээгээр хариу барина гэдгийг цохон тэмдэглэж байв.

 

 

Үүний хариуд Путин НАТО Украины нутаг дэвсгэрийг эзэмших аюултай оролдлогууд хийж байгаагийн дээр Оросын хилийн орчимд цэргийн хүчин чадлаа нэмэгдүүлж байна хэмээн мэдэгдсэн байна.

 

"Тиймээс Орос улс дорнод чиглэлд НАТО хүчээ зузаатгахгүй байх, Оростой хил залгаа улс орнуудад цохилтот, дайралтын систем байршуулахгүй гэсэн найдвартай, хууль ёсоор баталгаажсан баталгаа авах сонирхолтой" хэмээн Оросын Ерөнхийлөгч мэдэгдэж байлаа. 

 

Эргэн сануулахад, ОХУ Украин руу халдахаар төлөвлөж байгаа талаарх мэдээлэл Америкийн хэвлэлүүдээр өнгөрсөн 10 дугаар сараас л гарч эхэлсэн бөгөөд тухайн үед энэ мэдээллийг Америкийн тагнуулын газраас авсан эх сурвалжаас иш татсан хэмээн онцолж байв. Украины баталж байгаагаар, Орос улс хил дээр 94 мянга орчим цэргийн алба хаагч байршуулж, хил рүү хуягт танк, радиоэлектроны системүүдийг татсан гэнэ.

 

Харин Оросын тал Украин руу дайрахаар бэлдэж байгаа гэсэн энэ мэдээллийг няцааж, цэргийн сургуулилалт хийж байгааг удаа дараа онцолж байсан юм.

 

"Бид өөрсдийн нутаг дэвсгэр дээрээ цэргээ хөдөлгөх эрхтэй, гэхдээ ямар ч хурцадмал байдал үүсгэх зорилгогүй" хэмээн өнгөрсөн баасан гарагт, Ерөнхийлөгчийн туслах Юрий Ушков мэдэгдэж байлаа.

 

Түүнчлэн Украин нөхцөл байдлыг хурцатгах зорилгоор цэргүүдээ хөдөлгөж байгаа гэж ОХУ мэдэгдэж байв. ОХУ-ын ГХЯ-ны мэдэгдсэнээр Украин улс Оростой залгаа хил рүүгээ 125 мянган цэрэг илгээжээ.

Г.Бямбасүрэн

Shuud.mn
Сонин хачин
Зз:
Америкийн хилийн дагуу оросын цэрэг арми байрладаггүй .
2022-01-02
зурхайч:
Зөв2. Оростой их муудвал наад зах нь Америкийн сансарын хөтөлбөр нам зогсоно. Бүх түлшээ оросоос гуйж авдаг
2022-01-02
зочин:
Орос улс. хүчирхэг болсон нь Путиний ярьсанаас анзаарагдаж байна. Урьд нь барууныхан хоригтавина гэж анхааруулахаар энх тайвнаар зэрэгцэн орших. ухай зөөлрүүлсэн мэдэгдэл хийдэг байсан. Харин одоо бол зөрөөд сүрдүүлсэн мэдэгдэл хийдэг болсон. Үнэнтэй эвлэрэхээс өөр арга үгүй. Орос орон цэргийн зэвсэглэл, ялангуяа тив алгасагч дуунаас хэт хурдан пуужингийн зэвсэглэлээр Америкаас илүү болсон.
2022-01-01
Zochin:
Ene Putin gej luivarchin daranguilagchaas salj baij l oros uls hogjino.
2022-01-01
Zm:
Oros uls xvchgvudwel xujaa margaash ni mongoliig ezelne gants vnen gewel ene malnuudaa
2022-01-01
Harin ch mash hvcherheg bolood bna. Baruuniihan say orosiin hvnsenii horigoos bolj 290 terbumiin evrogiin hohirol uchiraad bgaa gej shvvhed gomdol gargaad bna. Oorsdoo ehwlj horig tabchihaad ter shuu.
2022-01-01
Го:
Хориг тавих тусам ОХУ хүчирхэг болно гж Путин хэлж бсн да. Одоо яачив да?
2022-01-01
Harin ch mash hvcherheg bolood bna. Baruuniihan say orosiin hvnsenii horigoos bolj 290 terbumiin evrogiin hohirol uchiraad bgaa gej shvvhed gomdol gargaad bna. Oorsdoo ehwlj horig tabchihaad ter shuu.
Зөв
2021-12-31
ОХУ-ын Ерөнхийлөгчийн зөв шүү!
2021-12-31
Зөв
Тэнэг иванууд биднийг дарамдлана.Баруунханд дарамдлуулахад зүгээр
2021-12-31
Зөнөг чинь цагаа тулахаар чацга царайлдаг наасан.Манайх урантай юм чинь хэдэн хошуутай болоод л lllКим шиг пээдийх хэрэгтэй.
2021-12-31
Хаха:
Үхэрүүд хүчирхэг бсн бол бас л эзлэн түрэмгийлэншдээ кккк
2021-12-31
Путин булаан эзэлсэн газар нутгаа буцааж өгчих хэрэгтэй
2021-12-31
Тийм шүү
2021-12-31
Иргэн:
Путин Украйныг Орост орхи гээд л, нөгөөдүүл нь үгүй ээ, Европын холбоо, НАТО-гийн эвсэлд нэгдэнэ гээд. Монголчууд Оросоос усан цах.станц барих уу яахуу гээд, нөгөөдүүл нь үгүй ээ, оросоос үнэ өндөр цахилгаан ав, оросоос хараат бай гээд байдаг. Орос нь монгол бараанд ногдох импортын татвараа буулгахгүй, чөлөөт худалдааны гэрээ байгуулъч гэхээр судалъя л гэдэг. Хэүээ судалж дуусах юм, лав л 100 жил судалсан, дахиад 100 жил судлах биз ээ
2021-12-31
Хаха:
Үхэрүүд хүчирхэг бсн бол бас л эзлэн түрэмгийлэншдээ кккк
Тийм шүү