Майкрософт компанийг үүсгэн байгуулагч, тэрбумтан Билл Гейтс омикрон штаммын давлагааны дараа коронавирусийн халдварын тоо буурна гэж таамаглажээ. Энэ талаар тэрбээр Твиттер хуудсандаа бичсэн байна. 

"Омикроны давлагааны дараа өвчлөлийн тоо буурах ёстой. Тиймээс коронавирусийн халдварыг улирлын томуу шиг л эмчилдэг болно" хэмээн Гейтс бичсэн байна. 

Түүнчлэн омикрон штаммын давлагааны улмаас дэлхийн олон орны эрүүл мэндийн салбар хүндрэлд орж, тэр дундаа вакцин тариулаагүй хүмүүсээс болж эмнэлэгт хэвтэх өвчтөний тоо өснө гэж анхааруулжээ.

Г.Бямбасүрэн