Энэтхэгт омикрон штаммын тархалтыг зогсоох боломжгүй гэв
2022-01-12 17:00

Коронавирусийн омикрон штаммын тархалтыг "зогсоох ямар ч боломгүй" гэж Энэтхэгийн анагаахын судалгааны зөвлөлийн дэргэдэх Тархвар судлалын үндэсний хүрээлэнгийн дарга Джаяпракаш Мулиил мэдэгджээ.

 

"Бид огт өөр вирустэй нүүр тулсан. Энэ вирус дельтаг бодвол хөнгөн ч энэ вирусийг зогсоох боломж бараг байхгүй" хэмээн тэрээр мэдэгджээ.

 

Түүний өгүүлснээр, Энэтхэгт эхэлсэн нэмэлт тунгийн дархлаажуулалт вирусийн энэ хувилбар хурдацтай тархахыг зогсоож чадахгүй гэнэ.

 

"Ямар ч ялгаагүй, халдвар дэгдэнэ. Дархлаажуулалтаас үл хамааран энэ вирус дэлхий даяар дэгдсэн" хэмээн Мулиил онцолжээ.

 

Хэдийгээр омикрон штамм өргөн цар хүрээтэй тархах эрсдэлтэй байгаа ч дельтатай харьцуулахад шинж тэмдэг хөнгөн, эмнэлэгт хэвттэл хүндрэх тохиолдол бага байгааг шинжээч онцлоод "энэ өвчнийг бид давж гарч чадна" хэмээн мэдэгдсэн байна.

 

Г.Бямбасүрэн

Shuud.mn
Сонин хачин